Rudiments

Rudiments (Engels veur bouwsteender) bint basispatroonn of de 'wöardeskat' van t spöln van n slagwoarkinstrumeant. Ze könt lös spöld wordn, mer ok zoonder eande met mekaar kombineerd wordn. Disse bouwsteender wordt meesttieds eerst op ne kleaine tromme oefend en könt later toopast wordn op n drumstel. Dr besteet ne standaardlieste met 40 rudiments.

In t verleedn is vake probeerd ne formele standaardlieste te maakn veur disse patroonn. De eerste rudiments wördn daleskreevn in Bazel in Zwitserlaand, in t 17de joarhoonderd. In Amerika wör ne organisasie, de National Association of Rudimental Drummers (NARD), opricht um t rudimenteare drumn mear oonder n andacht te brengn. Zee kömn eerst met ne lieste van 13 rudimentn. Later deudn ze dr doar nog es 13 bie, woarmet n teller op 26 köm te stoan. Doarnoa köm de Percussive Arts Society (PAS) den't de lieste vanniejs indeeln deed, en dr nog es 14 rudimentn bie bedachen, woarmet n teller noe op 40 steet. Disse bint internasjonaal bekeand en annömn.

40 P.A.S. International Drum Rudiments

Eankelslags-rudiments

bie de eankelslagsroffel mu'j um en umme houwn met beaide stökke (RLRL, ezw.), en dit kan op verskilnde snelheedn, staarktes en leanktes. (t Ofwisseln van de haande wat t patroon spölt, neumt ze haandzetting. Dit wörd noe verdan zo neumd)

Naam	Notasie	Beskrieving
Eankelslagsroffel (single-stroke roll)		Um en umme spölde nootn met gelieke röstn dr tusken. vake wörd dit patroon rap spöld, mer kan ok laankzaam. As de haandzetting mer um en umme `RLRL` is, neumt ze det eankelslagsroffel.
Eankelslags vere		Veer nootn spöld met um-en-um haandzetting, vake as triool met doarnoa n akseant (as in t plaatjen), of as dree zachte nootn (grace notes) met doarnoa n akseant (zo as n ruff).
Eankelslags zeuvne		Zeuvn nootn spöld met um-en-um haandzetting, vake as sextool met doarnoa n akseant.

Rudimentn van mearvooldige stuiterroffels

Naam	Notasie	Beskrieving
Mearvooldige stuiterroffel (Multiple Bounce Roll)		De haandn sloat wal um-en-umme, mer bie elken slag stuitert n stok verskeaidene moaln veurdat n aandern stok t vel raakt. De ruumte tusken de stuiters mut zo liek meugelik wean, woardeur't nen geliekmoatigen ruus ontsteet. Dit neumt ze ook wal drukroffel, dichten roffel of in t Engels "buzz roll".
Triple Stroke Roll		Dizzen slag kö'j op twee maneern spöln: 1. bie elken slag (elk groepken van dree) kan n stok stuiterd wordn, of 2. bie elken slag wordt alle dree nootn ofzeunderlik spöld deur vanniejs kracht te zetn vanoet n pools/aarm. Dit neumt ze ook wal "Fraansken roffen" genoemd.

Dubbelslags rudimentn

De dubbelslagroffel is n rudiment wat besteet oet dubbelslaagn ("diddles") met éénn stok dee't um en umme spöld wordt. (bv. RR, LL, etc). Ze verskilt van leankte en staarkte. Dr bint 10 offisjele variasies op de dubbelslagroffel (zeet hieronder).^[1] Um te oefenn wörd n dubbelslagsroffel vake laankzaam begunn (woerbie't elken slag nog ofzeunderlik ehöwn wörd) en heanig an opvoord töt t heugste tempo wat n slagwaarker ankan (woarbie den slagwaarker aargns in n roffelopbouw mut oavergoan op stuiterde dubbelslaagn) en dan wier heanig an ofbouwn.

Naam	Notasie	Beskrieving
Dubbelslags open roffel (Double Stroke Open Roll)		Net as n eankelslagsroffel wörd n dubbelslag vake rap spöld. Mer laankzaam kan ook, zo lange as t mer diddles zeent dee't um en umme spöld wordt. Elken noot wörd dudelik spöld, mer dr kan ofwisseld wordn met akseantn.
Roffel van vieve (Five Stroke Roll)		Twee diddles, doarnoa n akseant.
Roffel van zesse (Six Stroke Roll)		Aanders as de meeste aandere dubbelslags rudimentn, mu'j n roffel van zesse beginn met n eankelvooldig akseant. Doarnoa volgt twee diddles, en nog nen noot met akseant.
Roffel van zeuvne (Seven Stroke Roll)		Dree dubbelslaagn en doarna n akseant.
Roffel van neegne (Nine Stroke Roll)		Veer dubbelslaagn en doarna n akseant.
Roffel van tiene (Ten Stroke Roll)		Veer dubbelslaagn met doarnoa twee nootn met akseant.
roffel van elvne (Eleven Stroke Roll)		Vief dubbelslaagn en doarna n akseant.
Roffel van darteen (Thirteen Stroke Roll)		Zes dubbelslaagn en doarna n akseant.
Roffel van vieftene (Fifteen Stroke Roll)		Zeuvn dubbelslaagn en doarna n akseant.
Roffel van zeuvnteen (Seventeen Stroke Roll)		Acht dubbelslaagn en doarna n akseant.

Diddle rudiments

Nen paradiddle is n rudiment wat besteet oet n patroon van veer nootn; RLRR of LRLL.^[1] As dr meardere paradiddles achter mekaar spöld wordt, zeent de eerste beaide nootn vake um en umme spölde nootn met doarnoa nen dubbelslag. (Vandoar ok at det pa-ra- diddle het). Iej hebt verskilnde offisjele variasies op n paradiddle, mer ok völ onoffisjele. Iej köant ja zoonder eande verskilnde haandzettingn achter mekaar zetn, met eankel- en dubbelslaagn, of de akseantn verskoewn. Bieveurbeeld: RLLR LRRL RLLR LRRL). Paradiddles wordt achter n drumstel vake broekt um t akseant van haande te wisseln um net nen aandern tom an de aandere kaante van t drumstel te raakn. Bieveurbeeld: RLRL RLRL RLRL RLRR L t leste akseant wörd geevn met de leenkerhaande in plaatse van met rechts.

Naam	Notasie	beschrieving
Eankele paradiddle (Single Paradiddle)		Twee um-en-umme spölde nootn met doarnoa nen dubbelslag.
Dubbeln paradiddle (Double Paradiddle)		Veer um-en-umme spölde nootn met doarnoa nen dubbelslag. Ook wal es para-paradiddle neumd.
Dreevooldigen paradiddle (Triple Paradiddle)		Zes um-en-umme spölde nootn met doarnoa nen dubbelslag.
Paradiddle-Diddle		Twee um-en-umme spölde nootn met doarnoa twee um-en-umme spölde dubbelslaagn.

Flam rudiments

Nen vlamslag wörd spöld deur met ene haande ne zachte ("grace", gracieuze) note te spöln krek veur de heufdnote, dee völ härter spöld wörd. De twee nootn wordt zowat tegelieke spöld en de bedoling is dat t kleenkt as "plam". t Is hierbie nit de bedoling dat ze tegelieke valt, en de vlamslag mut völ zachter wean as de heuwdnote.^[1]

Naam	Notasie	Beskrieving
vlamslag (Flam)		Ne eankele heufd-note met doarveur ne zachtere vlamslag met de aandere haande. n Ofstaand tusken de beaide spölde nootn kan verskilnd wean, mer de bedoling is um dr nit tevölle ruumte tusken te loatn, zodat ze toch as één geheel kleenkt.
Flam Accent		Wisselnde groep van dree nootn met de vörm: Flam-tap-tap.
Flam Tap		Um-en-umme spölde dubbelslaagn met nen vlamslag veur t begin van elken dubbelslag.
Flamacue		Nen groep van veer nootn met ne viefde as akseant. De eerste en de viefde nootn hebt nen vlamslag; de tweede krig n akseant.
Flam Paradiddle		Nen paradiddle met nen vlamslag op de eerste note.^[1]
Single Flammed Mill		Nen ummekeerden paradiddle (`RRLR`, `LLRL`) met nen vlamslag op de eerste note van elken dubbelslag.
Flam Paradiddle-diddle		Um-en-umme spölde paradiddle-diddles met vlamslaagn op elke eerste note.
Pataflafla		Patroon van veer nootn met op elke eerste en leste noot nen vlamslag. ^[1]
Zwitsersen Triool (Swiss Army Triplet)		Vlamslag met de rechterhaande met doarnoa nen lechten slag (nen tap) met rechts en dan leenks, nen leenksen vlamslag met doarnoa nen leenker tap en dan nen rechtsen^[2]^[1] Dit patroon wörd vake spöld in platse van nen Flam Accent.
Ummedreeiden Flam Tap (Inverted Flam Tap)		Um-en-umme spölde dubbelslaagn Begunn met ne eankele zesteende note) met nen vlamslag op elke tweede note van nen dubbelslag.
Flam Drag		Um-en-umme spöld patroon van dree nootn: vlamslag - dubbelslag - tap, ofwisselnd begunn met rechts en leenks.

Drag rudiments

Naam	Notatie	Omschrijving
Drag		n "Drag" besteet oet twee achter mekaar spölde nootn met n zelfden haand (den't letterlik nömn n soort slepnde beweaging maakt): `RR` or `LL`. t Lik nen dubbelslag, mer t wörd körter spöld, woardeur t mear nen vlamslag lik. Bieveurbeeld, as dr veer zesteendn spöld wordt, wordt de drag-nootn as 32sten spöld. Vaak wordt ze dan op pauken nich as dubbelslaagn spöld mer as eankelvoaldige, um-en-umme spölde nootn broek (`rlR`, `lrL`). ^[3] A'j um-en-umme drags too verdan spölt is det vanzelf nen dubbelslagsroffel. Drags bint te vergeliekn met de "ruff", ne note met dree veurslaagn, um en umme spöld.
Eankeln drag tap (Single Drag Tap)		Nen eankeln drag tap bint twee um en umme spölde nootn. De eerste note hef drag-veurslaagn, de tweede note hef n akseant.
Dubbeln drag tap (Double Drag Tap)		Nen dubbeln drag tap is nen eankeln drag tap met nog nen veurslag-drag dr veur.
Lesson 25		Nen lesson 25 hef dree um en umme spölde nootn. De eerste note hef veurslagdrags en de daarde note hef n akseant.
Eankeln Dragadiddle		Nen eankeln dragadiddle is nen paradiddle met nen drag as eerste note.
Drag Paradiddle #1		n Eerstn drag-paradiddle is ne note met akseant en doarnaoa nen paradiddle met veurslagdrags op de eerste note.
Drag Paradiddle #2		n Tweedn paradiddle hef twee nootn met akseant met doarnoa nen paradiddle met veurslagdrags op de twede note met akseant en de eerste note van n paradiddle.
Single Ratamacue		Nen eankeln ratamacue besteet oet veer nootn. De eerste note hef veurslagdrags en de veerde note hef n akseant. ^[1]
Double Ratamacue		Nen dubbeln ratamacue is nen eankeln ratamacue met nen drag dr veur.
Triple Ratamacue		Nen dreedubbeln ratamacue is nen eankeln ratamacue met twee drags dr veur.