Sacha Landkroon
Sacha Landkroon (Grunning, 1984) is een Nederlaandse dichter, schriever en keunstenaor van 't espreuken woord. Sinds zomer 2017 zit e in de redactie van Drèents letterkundig tiedschrift Roet. An dit tiedschrift levert e Nederlaandstalige bijdrages, zoas besprekings van Drèentstalig wark.
In 2009-2010 was e een jaor huusdichter van de Rieksuniversiteit Grunning. Mit Maarten Praamstra bracht hij de beste gedichten van alle huusdichters tussen 2001 en 2010 bij menare in 'Ideeën op sterk water' (2011).
Nao in 2015 't Hendrik de Vriesstipendium te winnen, kwaamp Landkroon in 2016 mit zien debuutbundel 'Terra Incognita'. Daorin beschref e zien ontwikkeling töt volwassene as een denkbieldige queeste deur verscheiden werelden.
Landkroon is wieder actief as organisator van 't jaorlijkse 'Winterdichters' in Eel en de verhalenwedstried 'Stuurloos', en zit in de jury van de Kunstbende. As keunstenaor van 't espreuken woord is e anesleuten bij Urban House Groningen. Daor koomt dichterije en meziek bij menare.
Wark van Landkroon hef in verscheiden tiedschriften estaone.
Bronnen
bewark- Sacha Landkroon zien webstee (archiveerd in 2019)
|
Dit artikel is eschreven in 't Zuudwest-Drèents. |