De Sevinkmölle of Den Zorg is ne windmölle eleagen kort bi'j t Hilgelo an de Meddoseweg in Meddo, gemeente Wenters in de previnsie Gelderland. Et is ne ronde stenen beltmölle oet 1867.

Sevinkmölle

In 1916 wodden de mölle deur slechten bouwkundegen stoat stil-ezat. De möllen is doarnoa verkocht an J.W. Helder, den eur hef loaten maken. Doarnoa is de mölle tot 1928 in bedrief ewest. In dat joar weajden tijdens nen storm de wieken van de mölle. Daarna wodden de mölle gebroekt as onderkommen veur ne mechaniese maalderi'je en as opslagplaatse van de Coöperatieve Landbouwvereniging Wenters.

Tot 2000 hef de Sevinkmölle der slecht bi'j estoane. Noa de restauratie van 2000 - 2001 wodden de mölle op 30 juni 2001 in bedrief esteld deur minister Annemarie Jorritsma, zelf möldersdochter.

De mölle hef oldhollands gevloch met nen vloch van 25 meter en is veurzeen van n koppel maalstenen, woarmet op vri'jwillege basis groan emalen wöd. Wieters wödt de benedenverdeping van de mölle as ontvangstruumte veur t noast-eleagen pannekookrestaurant gebroekt.