Skroetbalg

Skroetbalg is een Drèentse punkband mit teksten die in 't Drèents ezungen bint. De band is opericht in 2020 en bestiet uut Sander Broersma (Assen, 1984; zang en gitaar), Rutger Beuving (drums) en Boris Loman (bas en zang).

Stiel

Aover heur meziek zeg de band zölf:

"De maoten van Skroetbalg bezingt in eigen taol de dingen die het leven de möjte weerd maokt: bier, auto's, stompen, oen moe en hun provincie zölf. Hun giet-ja-mooi-zo punkrock knipoogt naor olde en neijere rockhelden".

Volgens Broersma mak de band gien boerenrock; as gemiene dielers qua muzikale veurbielden nuumt Beuving Motörhead, de Misfits en de Ramones.

Heur nummer "Net Oen Moe" is een cover mit neie tekst van "Attitude" van de Misfits.

Begun

De bandleden kenden mekare al jaoren veur 't ontstaon van de band. Broersma en Beuving kwamen mekare weer tegen bij 't stappen in Stad, en kwamen naodien an 't appen aover waor ze muzikaal mit gaanks waren. Toen 't idee veur een band ontstund, wördden Loman derbij evreugen.

Anvang 2021 kwaamp Skroetbalg mit een eerste demo, "Spreek Drents of starf", en een antal digitaal uutebrachte singles. De demo wördden nog best ontvangen en kreeg airplay op 3FM, KinkFM, RTV Drenthe en nog een antal regionaole zenders. Det heur meziek op 3FM edreid wördden, zörgde SP-kamerlid en fan van roege meziek Peter Kwint veur.

Tiedens 't initiatief Locked & Live op 't Ogeveine gaf Skroetbalg een livestreamshow. In Vera, club in Stad veur underground-pop, verzörgden ze een 'Testen voor Toegang'-show. Op 14 augustus 2021 speulden ze op 't Sjock Festival in België, waorbij 't album Alles kats kapot eprissenteerd wördden.

Besprekings

Aover 't album Alles kats kapot schreef New Noise Magazine det der veule in zit van de melodieuze helligheid van Californische punkbands uut de jaoren negentig zoas U.S. Bombs en Face to Face. De productie hef volgens de bespreking wille ehad van de betrökkenheid van Peter Van Elderen en Pieter Klos. As beste nummer wördden "Dommer Dan Bang" anemarkt, umdet de Oi!-klaank veur extra dynamiek zol zörgen.

Ok de bespreker op hardcore-punk-webstee AWAY FROM LIFE was wies mit Alles kats kapot: "Die Songs sind sehr eingängig und bleiben unglaublich fest im Ohr hängen."

Discografie

Albums

Spreek Drents of starf (demo, 2021)

1. Drenthe Godverdomme
2. Oen Moe
3. Hol Oen Bek
4. Net Oen Moe
5. Bakkie De Man
6. Stompen In De Kroeg
7. Skroetbalg

Alles kats kapot (2021)

1. 'T Is Wat Het Is
2. Ponypark
3. Dommer Dan Bang
4. Geen Tied
5. Nooit Zoals Oons
6. Mag Ik Weer In Huus
7. Renault 5GTE
8. Alles Kats Kapot

Singles en EPs

Hol Oen Bek (EP, 2021)

1. Hol oen bek
2. Stompen in de kroeg
3. Bakkie De Man
4. Oen Moe

LIVE I (single, 2021)

1. Mag ik weer in huus - Live tiedens t Drents Liedtiesfestival 2021
2. Oen Moe - Live tiedens DJAMMEN
3. Stompen - Live tiedens DJAMMEN

Geen Tied (single, 2021)

1. Geen Tied

Ponypark (single, 2021)

1. Ponypark
2. Geen Tied

Split Met Bent Out Of Shape (single, 2022)

1. Methanol
2. Hol Oen Bek (Live in Vera Grunn)

KONING VAN DE N34 (single, 2022)

1. Koning van de N34
2. Methanol
3. Hol Oen Bek (Live in Vera Grunn)

ie leest de Happinezz (single, 2022)

1. ie leest de Happinezz
2. Oen Moe (live in Vera Grunn)

Uutgaonde verwiezings

• Webstee van Skroetbalg
• Sander Broersma van Skroetbalg in de podcast Praot Drents Met Mij

Dit artikel is eschreven in 't Zuudwest-Drèents.