Spaarbankbos

't Spaarbankbos is een bos van 81 bunder in 't noorden van de Drèentse gemiente 't Ogeveine. 't Krig de name van Spaarbank Hoogeveen, die vanof 1902 eigenaar was van 't gebied en der een kuierbos veur de Ogevenegers anlegde.

't Spaarbankbos mit Albert Geertjes zien oorlogsmonument uut 2003

De bos lig ten oosten van de A28 en wördt deurkruust deur de Ogeveinseweg hen Pes. An dizze weg vien ie twee prostestaantse karken, een Schoele mit de Biebel, bungalowdörp De Santbricke waor vrogger kiendervekaansiehuus 't Noorderhuis was, hotel De Spaarbankhoeve en een tennispark. De Ogeveense padvienderije hef in de bos de blokhutte Lydda. Dizzend wördden ebouwd deur de Ter Stege Groep mit heur verkennningsleider Lammert Huizing. VV Hoogeveen speulde töt 1969 heur voetbalwestrieden in 't Spaarbankbos.

Bronnen

Encyclopedie Drenthe Online aover 't Spaarbankbos

Dit artikel is eschreven in 't Zuudwest-Drèents.