Sofia
Sofia (Bulgaars: София) is de heuwdstad van den Europesen stoat Bulgarije. Et is ook meteen de grötste stad van et laand. Der wont 1,3 miljoen leu, woermet as et de 15de grötste stad van de Europese Unie is. Sofia lig an den voot van den boarg Vitosha in et westen van et laand, op meender as 50 km van de Serviese greanze. Et ligt op et middeln van de Balkan. Doarumme is et ne belangrieke duurvoorstea tusken de Zwarte Zee en de Adriatiese Zee, terwiel as de Egeïse Zee der et körtste bie ligt.[1]
.JPG)
Der wont al seend 7000 joar vuur Kristus leu op de stea woer as rechtevoort Sofia lig.[2] De meeste Bulgaarse grote universiteaten, kultuurhuze en bedriewe zitt in Sofia.[3] Sofia is ene van de meest geunstige steaden van de wearld um een bedrief op te starten, vuural in de IT.[4] Dit hef vuural met lege belastingen te maken en een onmeundig rap netwoark.
In 2013 was Sofia ook ene van de meest betaalboare heuwdsteaden um te bezeuken.[5]
Toeristen komt noar Sofia vuur de Alexander Nevsky-kathedroale en ne hele riege an musea.
- ↑ Lauwerys, Joseph. Education in Cities. (1970). Evan's Brothers. ISBN 0-415-39291-8
- ↑ Ghodsee, Kristen. The Red Riviera: Gender, Tourism, and Postsocialism on the Black Sea (2005) Duke University Press. p21.
- ↑ Internet Hostel Sofia, Tourism in Sofia. Bekekken in januwoari 2012.
- ↑ Sofia is one of the top 10 places for start-up businesses in the world, Bulgarian National TV
- ↑ Clark, Jayne. Is Europe's most affordable capital worth the trip? USA Today. Bekekken op 12 februwoari 2016.