Verskil tüsken versys van "Kleaine tromme"

De '''kleaine tromme''', '''skoarpe tromme''' of '''snoartromme''' ([[Engels]]: ''snare drum'') steet bekeand um zin skoarpe, ruusnde geluud. Dèt geluud krig-e duur n matje van snoarn wat laanks t oondervel is espönn. Duur op de tromme te houwn wordt de snoarn an t triln ezat, woerbiej ze t vel raakt.

 

De eerste snoartrommn hadn velle dee-t emaakt warn van bloazn van deers, en nen doarm as snoare.

De ontdekking van [[keunststof]] hef völle veraanderd in wodöanig de snoartromme dr rechtevoort oet zut. n Kettel wördt rechtevoort van [[hoolt]], [[metaal]] of keunststof emaakt en kan in iedern geweunsketen kluur vuurkomn. De velle wordt rechtevoort ook van keunststof emaakt, of mangs zelfs van [[kevlar]]. Ook de snoarn wordt rechtevoort van keunststof emaakt, of, vuur n dubbel zo skoarp geluud, van metaal.

 

[[Ofbeelding: Caisse claire.jpg|thumb|right|100x|drumstelsnoartromme]]

[[Ofbeelding:Vaktparad Winter.jpg|right|300x|thumb|Marsjeertromme tiedns ne wachtwissel]]

[[Ofbeelding:Snoartromme.jpg|thumb|right|100px|Amerikaanse tromme met Evans-vel]]

de Snoartromme is feailik in 3 soortn te verdeeln.

 

Dit soort wördt in orkestn en drumsteln gebroekt en is doarumme miskien rechtevoort wal t bekeandst. ne Normale moate vuur tromn is ongevear 35cm in [[diameter]]. Dit geeldt vuur alle soortn snoartromn. Ne normale drumstel- of orkestsnoartromme is ongevear 15cm deepe, mear dr bestoat ook snoartromn van ongeveer 7,5cm. Dit wordt ne ''pikkolotromme'' neumd, of in n volksmoond ''[[pannekookn]]'', umdèt-e zo plat is. Disse trumkes wordt vake duur kleaine wichter in traditionele korpsn edreagn, umdet ze hoaste niks weagnt.

 

Disse tromme wördt in tradisjonele korpsn bespölt en wördt vuural in [[marsmeziek]] gebroekt. t Verskil met n vuurigen is dèt-e dubbel zo deep is. Hierduur krig-e n vol, deep geluud, zodèt-e boetn bètter te heurn is.

 

n Spöller dreg t deenk an n reem oawer n rechterskoolder (woerduur-te skeef op t leenkerbeen haank) of an nen beugel oawer beaide skoolders, woerduur-te rech haank.

 

An n vörm is weainig verskil met de normale marsjeertromme. Mear duur t gebroek van metaalsnaarn en kevlarvelle op ekstra hoge spanning kleenkt n Skotsn ekstra skoarp. Dit wörd nog verstoarkt duur n ekstra snoarmatjen wat oonder t boawnste vel zit. Dee heuge spanning har in t begin n noadeel. t Kon gebuurn det n raand duur den hoogn spanning noar binn treuk en t hele instremeant an bölle lea. Um dit te vuurkomn hebt ze rechtevoort ekstra dikke reande an t instremeant emaakt. De skotse tromme wörd meesttieds bespöld met dikke, taps tooloopnde stökke, met nen dikn kop. Hierduur onsteet n kort droog geluud. Skots tromn is nen apartn stiel van spöln, den at vake vuur duurweenterde spöllers nog wal moeilik kan wean, umdet bie aandere stiel de tied tusken de nootn (intervaln) aait geliek munn wean, mear bie skots tromn um-en-umme laank en kort mut wean.

 

Ook deankt de Amerikaann völle ''visuals'' oet. Det beent beweagingn met de stökke dee at mooi beent um noar te kiekn, mear dee at feailik niks an t spöln too doot.

 

n good vel is belangriek bie kleaine tromn. t Boawnste vel, ook wal t ''slagvel'' eneumd, wör vroger van blöaze of maagn van deers emaakt, mear doar houw iej makkelik duurhen. Rechtevoort gebroekt ze meesttieds keunststof, en mangs kevlar. Vuural bie Skotse en Amerikaanse tromn wörd völle kevlar gebroekt, umdet dit de hoge spanning kan verdreagn.

 

Vroger wördn velle op-espönn met töwwe, dee't an-edreeid mosn wordn. At ze te hoge op-edreeid wördn, skuurdn de velle in. Rechtevoort wordt velle in t fabriek al an nen metaaln reenk emaakt, woer at de spanraand van de tromme dan wier oawerhen vaalt. Met lange droadneageln wörd disn spanraand an spesjale spanbusn op de kettel vaste zat en an-edreeid, woerduur t vel egaal verspreaidt oawer n kettelraand etrökn wörd.

 

[[Ofbeelding: Traditionalsnaregrip.jpg|thumb|right|300x|tradisjoneeln greep]]

[[Ofbeelding: matchedsnaregrip.jpg|thumb|right|300x|geliekn greep]]

Dr beent 2 meneern um de stökke vaste te hooldn:

 

n ''Tradisjoneeln greep'' is bedach vuur de tradisjonele marsjeertromme. In vrooger tiedn hung disse tromme dus skeef op t leenkerbeen {{Info|en biej sommige korpsn vuur t plaatjen nog aaltied}}, woerduur n spöller n leekeroarm n heeln tied in nen roarn hook umhooge mos hooldn um nen goon slag te maakn. Dèt gung op n doer zear doon.

n Rechterhaand heult n stok gewoon tusken doem en wiesvinger, woerbiej de aandere vingers wal um n stok hen ligt, mear alleene zorgt dèt n spöller n stok nit verlös. n Stok heurt liek te wean met n oarm, en n haand mut met de rugge noar boawn stoan. Belangriek vuur n oetstraling is dèt n peenk nit estrekt is, mear netjes um n stok hen ligt.

 

 

Aanders as dè-j miskien verwochet, kiest völle (meestieds Amerikaanse) korpsen, ondaanks dèt ze de snoartromme rech an n beugel hebt hangn, vuur n tradisjoneeln greep, umdèt dit meuier lik. Dr beent ook korpsn dee-t de snoartromme skeef ''an de beugel'' hangt, umdèt ze meant dèt ze aans geluudsverlees hebt en dèt dit bètter vuur n leenkeroarm is.

 

[[Ofbeelding: Spazzole-brushes.jpg|right|thumb|300x|Spazzole-weejers]]

Stökke beent r in alle soortn en moatn. Laank, kort, dik, dun, zwoar, lech, met t gewich vuur of achterin n stok, met nen dikn of nen dunn, of nen hooltn of [[nylon]] kop. Ieder soort stok hef zin eegn geluud. n Korps wat völle boetn mut spöln gebrok dikkere stökke, umdèt t geluud dan vearder dreg.

n Heel aander soort stökke beent de ''kwèste''. Dit beent oetskoefboare weejers met iezerne of nylon dröadkes, woermet oawer t vel wördt estrekn woerduur n zacht soeznd geluud ontsteet.

 

Internasjonaal bekeande moarkn beent:

 

n Hollaands moark wat espesjaliseerd is in Amerikaanse tromn is Vancore.

[[sr:Doboš]]

[[sv:Virveltrumma]]

[[uk:Малий барабан]]

[[zh:小鼓]]