Terkaple

Terkaple is een dörpien in et noorden van de gemiente Scharsterlaand, in de Nederlaanse perveensie Frieslaand. Et het omdebi'j de 220 inwoners.

Ligging van Terkaple

Et dörp daankt zien naeme an et ontstaon rond een kapel. Disse kapel heurde bi'j de karke van Ooldeboorn. Naost et karkien uut 1845 liggen een antal schiere oolde boerkeri'jen en een kerakteristieke ophaelbrogge (die kottens mechaniseerd is). Terkaple leit kot bi'j de Terkaplesterpoelen (Terkaplester Puollen) en vormt een twielingdörp mit Akmariep. Terkaple het een kampeerterrein mit een eigen passaantehaeven, een baosisschoele en een tennisbaene.