Zuud-Jytlaand is een andere benaming veur de streek [[Noord-Sleeswiek]]. Samen[[Noord-Sleeswiek]] meten [[Zuud-Sleeswiek]] vörmde dat ut Deense hertogdom [[Sleeswiek]], Woaroaver Denemarken in de [[19e eeuw]] met [[Pruussen]] en [[Oosterriek]] in oorlog kwam, de zogenuumde [[Duuts-Deense oorlog]] of [[Sleeswiek-Holsteinse kwestie]]. In 1864 verloor Denemarken bi-j de slag um Dybbøl ([[Duuts]]: ''Düppel'') dissen oorlog en mos heel Sleeswiek, [[Holstein]] en [[Lauenburg]] afstoan an 't Koninkriek Pruussen. Noa de Duutse nederloag in [[1918]] ([[Eerste Wereldoorlog]]) mochten de inwoners van Sleeswiek volgens 't [[Verdrag van Versailles]] stemmen bi-j welk land of zi-j heuren wollen. In Noord-Sleeswiek koas de bevolking veur Denemarken en in Zuud-Sleeswiek veur Duutsland. In Zuud-Sleeswiek besteet der nog altied een Deense minderheid veural in en um de stad [[Sleeswiek]]. Doar bunt dan ok Deense scholen en gemeenschappen. An de andere kante besteet der in Zuud-Jytlaand ok nog steeds een Duutse minderheid, dèn ok een gemeenschap vörmt en eigen Duutse scholen hef.
