Verskil tüsken versys van "Grunnegs"
Verwijderde inhoud Toegevoegde inhoud
Geen bewerkingssamenvatting |
|||
Regel 213:
=== Old- en Middelgrunnegs (Middel Leegduuts) ===
Dou de ienmiddels oetgruide [[Hanzestad]] [[Grunnen (stad)|Grunnen]] ien [[14e eeuw|14. aiw]] aal meer ienvloud kreeg ien de Ommelanden, wör t Frais ien de Ommelanden staark beienvloud deur t Leegsaksisch van Stad. Dit vond om en bie dijzulfde tied ook stee ien Oostfraislaand, môr den vanoet [[Emden]]. Ien dij tied was der ien Grunnen al gain Frais meer over. t Dialekt dat ontstoan was, mout hail veul leken hebben op t tegenswoordege [[Selterfrais]], dat op zien beurt ook weer lichte Saksische ienvlouden had het. Woorden as "Freeslound" kommen tegenswoordeg nog aal ien t Selterfrais veur. Man kin t beste zèggen dat der n soort van dwongen wizzel ploats vonden het. Hierdeur wör t Saksisch van Stad oplègd, môr deurdat de Ommelaanders nait goud Saksisch konden, wör de toal dij ontston n mengen van baaide toalen. Woorden dij man nait wos, hil man oet de olle Fraise toal.
n Schier veurbeeld van t vrouge Grunnegs binnen de vertoalens van de [[17 kesten en 24 laandrechten]] van de vraaie Fraizen. Dit, van oorsprong ien t (Old)Frais en [[Latain]] schreven [[wet|wettendokumìnt]] is twij moal vertoald worden ien t Saksisch (Oldgrunnegs). Dizze baaide vertoalens lôten goud zain hou of de toalonzekerhaid doudestieds was, dij ongeveer verleken worden mout mit de noudoagse twijstried mit t Hollaands. De aine vertoalen broekt westelke (Hollaandse, Westfeelse) woorden, ien tieds dat de aander vertoalen meer oostelke (Hoogduutse) en Fraise woorden zain let. Hier n veurbeeld van n vrouge vörm van t Grönnegs, môr nait de oldste: t eerste laandrecht.
| |||