Verskil tüsken versys van "Napels"

In de eyrste dusend jår vöär [[Kristus]] kümmen der de Grekengreken hen, wårdöär et eyne van de öldste döärloupend bewoande gebeden van de wearld is. Dee stichteden der ne kolony, [[Parthenope]], up et eiland [[Megaride]]. In de sesde eywe vöär Kristus wör et vannys estichted as ''Neápolis''. Et wör ne vöärname stad in et [[Magna Graecia]], et Grout-Greekske Ryk. Et dreav de greken enun romeinske samenleavingen tehoupe un was ne vöärname kultuurstad under de [[Romeinse Riek|Romeinen]].

Tüsken [[661]] un [[1139]] was et de höyvdstad van de [[Gråvskup Napels]] un van [[1282]] töt [[1816]] et [[Köäningryk Napels]]. Töt de Vereyniging van Italie in [[1861]] was et noch de höyvdstad van de [[Twey Sicilien]]. Napels wördt ouk seen as de höyvdstad van de [[Barok]]. Dat begünde med den kunstener Caravaggio in den [[17e eeuw|17. eywe]] un de artistike revoluty dee as hee veroorsakeden. Vöär et [[humanisme]] un de [[Verlichting]] was et ouk ne belangryke steade. De stad hevt lange tyd en wearldwyd middenpunt vöär klassike musik un opera weasd, med de [[Neapolitaanske Skole]]. Tüsken 1925 enun 1936 breidden de regeyring under [[Benito Mussolini]] de stad wyder uut. In de latere jåren van den [[Tweede Wereldoorlog|Tweyden Wearldoorlog]] wör de stad flink döär de Allieerden bombardeerd üm et skyreiland der under te krygen. Nå 1945 wör de stad wyduut herupbouwd.

In de tweyde hälvde van de [[20e ieuw|20. eywe]] groiden de skatkiste van Napels flink döär den bouw van de sakenwyke [[Centro Direzionale]] un en verneamstig vervoorsnetwark, sou as de hougesnelheidslyne [[Alta Velocità]] tüsken Rome un Salerno un en uutebreid metronetwark. Nå Milaan enun Rome hevt Napels de dardegröätste städelike [[ekonomy]]. Den haven van Napels is eyne van de vöärnaamste in Europa. Wyders sit in Napels et [[Allied Joint Force Command Naples]], de afdeyling van de NAVO wat de veiligheid in [[Noordafrika]], de [[Sahel]] un et [[Middenousten]] in de gäte höldt.

Et olde stadscentrum van Napels is et gröätste in Europa un steyt up de [[Wealdarfgoodlieste|Wearldarvgoodlyste]] van [[UNESCO]]. Kortby ligget geskeedkündig belangryke steades as et [[Paleis van Caserta]] un de romeinske ruines van [[Pompeii]] un [[Herculaneum]]. Ouk steyt de streake bekend üm de mooie natuur, sou as [[Posillipo]], de [[Phlegraeaanske Velden]], [[Nisida]] enun de [[Vesuvius]]-[[vulkane]].