Nazi-Duutslaand

Mit Nazi-Duutslaand, t Dèrde Riek of soms ook t Doezendjoarege Riek wordt n periode in de geschiedenis van Duutslaand beduild dij leup van 30 jannewoari 1933 tot 8 maai 1945 onder t naziregime. In dizze periode (1939) begon Nazi-Duutslaand de Twijde Wereldkraig, dij in Europa op 8 maai 1945 aaindegde mit de kapituloatsie van Duutslaand.

Vlage

Swastika

De nazi's nuimden heur stoat t Dèrde Riek. As Eerste Riek gold t olde Hillege Reumse Riek van de Duutse Noatsie (843-1806), as Twijde Riek t Duutse Kaaizerriek (1871-1918). Volgens heur verwaachtens zol t Dèrde Riek (minstens) doezend joar bestoan.

Offisjeel lag de haile maacht in t Dèrde Riek bie Adolf Hitler. In de praktiek leut hai veul over aan zien ondergeschikten. Heur bevougdheden waren nait echt dudelk vaastlegd en overlapten mekoar voak. Der wordt wel ais zegd dat Hitler dit doelbewust dee om mit dizze verdail-en-heerspoletiek eventuele konkurrenten in de partie mekoar dwars te loaten zitten in ploats van dat ze hom overaal de schuld van zollen geven.