Ut meest opvallende gebouw in Zöwwent is de [[katholieke]] St. Werenfridus [[karke]]. Disse karke is in de [[19e eeuw]] ebouwd in de [[neo-gotisch]]e bouwstiel. In verholding met de grootte van ut darp is de karke zeer groot te numen. Hi-j wordt dan ok wal de kathedraal van den [[Achterhoek]] enuumd.
Zöwwent is tot wiedwiet in de [[20e eeuw]] helemoale [[katholiek]] ebleven. Der was gin "andersdenkende" te vinden. Ut had dan ok völle grote gezinnen. Achte tot tien kinderen waren gin uutzondering. Ut was lang één van de meest kinderrieke darpen van Nederland.
Het darp hef een paar heel völ veurkommende [[femiliename]]n, woarvan Wopereis en Krabbenborg veurbeelden bunt. Umdat der zovölle mensen met de zelfde achtername bunt, bunt ze vaker better bekend onder huneure [[bi-jname]]. Een bi-jname is gin scheldname. Ut hef meestal van doen met de [[boerderi-je]] woar of de femilie vandan kump, of wat veur beroep der in de femilie zat, dat ging joa meestentieds van vader op zönne. As de mensen dan proatten van de "Sniedas" dan wist iederene, dat ut um de kleermaker, oftewal de snieder ging. Ok tegenswoordigs bunt nog völle femilies better bekend met huneure bi-jname as met huneure femiliename.
Zöwwent was tot in ut begin van de 20e eeuw een heel geslotten darp. [[Brulfte|Trouweri-je]]n buten ut darp kwammen niet veur. Dat betekendebetekenden dat der ok binnen de femilie vake etrouwd wodden. Veur een trouweri-je tussen achterneave en -nichte is dispensatie neudig. An ut ende van de [[19e eeuw]] waren der meer trouweri-jen mét dispensatie as zonder. Der is een periode ewest dat een trouweri-je zonder dispensatie een uutzondering was. Dit verkloart now nog steeds, woarum der moar zo weinig achternamen veurkomt in ut darp.
