Stasjon Eanske Dreenerl
Stasjon Eanske Dreenerl is n spoorwegstasjon in de Neerlaandse stad Eanske, in Oaweriessel. t Gung los in 1996 veur t bedriewenterreain Dreenerl, det westlik van Eanske lig. De Grolsch Veste van vootbalklub FC Twente lig er dreks teagnoawer. Eawn wieter lig de Universiteat Tweante.
| Stasjon Eanske Dreenerl | ||
 De wachtroemte
| ||
| Informasie | ||
| Ofkortige | Esd | |
| Los-doan | 22 noveamber 1996 | |
| Perrons | 2 | |
| Perronspeure | 2 | |
| Lienden | Stoatsliende D | |
| Verveurders | NS | |
t Stasjon hef n biejzönner keagelvörmig glöazen stasjonsgebaawsken. Öp n begoanen groond is der nen breudskensweenkel. Boawnin, öp perronheugte, is ne wachtroemte. De twea perronen ligt teagnoawer mekoar öp de spoordieke, an de kaanten van de twea speure. De perrons bint met mekoar verbönnen via nen tunnel.
De völgnde treanserien stopt öp Eanske Dreenerl:
| Serie | Treansoart | Roete | Biejzönnerheaden |
|---|---|---|---|
| 7000 | Sprinter | Apeldoorne - Deventer - Almelo - Hengel - Eanske Dreenerl - Eanske | Ridt in n oawnd en öp zöndag nich tusken Almelo en Eanske. |
| 7900 | Sprinter | Zwol - Almelo - Hengel - Eanske Dreenerl - Eanske |
Vanof deseamber 2009 rieden n 7900-serie nich wieter as Stasjon Nijverdal deur n anleg van nen spoortunnel doar. Öp 1 april 2013 is disse verbeendige wier trög-jouwd.
Öm reln biej vootbalwedstrieden, tusken supporter, te veurkömmen könt de perronen veur n deal of-slötten wörn met hekken. Biej thoeswedstrieden van FC Twente riedt der supportertreanen as stoptreane tusken Riesn en Eanske, riedt de reguleare treanen met mear kapasiteait, en stopt de Intercity's tusken Hengel en Eanske ok öp Eanske Dreenerl. t Öpskoalen van de kapasiteait van Sprinters en t biej Eanske Dreenerl loaten stoppen van Intercity's wör ok jöarliks doan öp n ochtend noa de Batavierenrace, öm de doezenden studeanten dee dan vanof n universiteatskampus vertrekt wier öp hoes an te können brengn.
End 2006 is de vroej toogaanklike plearwealnstallige van t stasjon in eustlike richtige oet-breaid.
Laanks Stasjon Eanske Dreenerl löp busliende 1 (Wesselerbreenk - Stasjon Eanske - Universiteat Langenkampweg), den twea töt zes kear per oer biej t stasjon stöp.
Vanof 1 deseamber 2015 zöl n noam van t stasjon Eanske Dreenerl Eanske Kennispark wörn.