Stichting Freriks
Stichting Freriks was ne stichting in Wenters in den Achterhook. Zee zorgt veur et onderhold van een streakmuseum en de daarbi-j heurende heemhof en kinderboerderi-je. In et museum hangt dree vrogge warken van Piet Mondriaan, den een gedeelte van ziene jonge joaren in Winterswijk ewond hef. Wieters hangt der warken van zienen vader Pieter Cornelis en van Mondriaans oom en leermeister Frits Mondriaan. Ok bunt der wat restaureerde warken van Max van Dam te vinden. In 2013 is et museum dicht egoan. De warken van Piet Mondriaan hangt now in het nije museum Villa Mondriaan.
Geologiese verzameling bewark
Et museum hef ne verzameling fossiele skelpen afkumsteg oet miocene afzettingen in de buurtskop Miste, dee-t bi-j et Leagpakket van Aalten heurt. De fossiele skelpenfauna's bevat meer as 1100 soorten [1]
Ok hef dit kleine museum ne verzameling met vondsten oet de Wenterswiekse steengroeve, de enige plaatse in Nederland woar sporen van hagedissen oet et Trias evonden bunt. De afdeling Winterswijk van de Nederlandse Geologiese Vereniging organiseert een antal moal in et joar excursies naar de steengroeve.
Wieter is in et museum ne verzameling noordeleke, zudeleke en oosteleke zwarfkeien te zeen, en ok bötte van mammoet, wolhoaregen neushoorn, rendier en oerosse.
| Bronnen / wellen: |
|