Stivverd (Nederlaands: Stitswerd) is t zudelkste dörp van gemainte Emsmond, en ligt ten westen van Kannes.

De kìrk en dörpshoaven

t Dörp is n wierdendörp [1] en is ien middelaiven ontstoan op n oeverwaal van rivier de Fivel. t Dörp het ook enkeld sikkom 120 ienwoners. t Dörp is noa 1850 binoa nait oetbraaid. Wel is de bewonen vanôf t eand van de twintegste aiw n stok minder boers worden.

De hervörmde kìrk van Stivverd (de St. Gorieskìrke) stamt oet 1225 en haar hailege Joris (Georgius > Gories) as patroonhailege. t Gebaauw is ien 1850 verbaauwd worden en het n klok oet 1439 ien dakroeter. Ien 1979 is t ien onbroeken roakt. Ien 1991 is t gebaauw herstaeld worden en geel vaarfd aan boetenkaant.

Ook biezunder aan dit dörp is dat t de hoogste postkode van Nederlaand het, 9999 XL aan Akkemawèg. De Knolwèg het wieder de nog hogere, fiktieve postkodes 9999 XA, XX, ZA en ZZ.

Bronnen bewark

  1. Verainen veur agraries natuur- en laandschopsbeheer Noord-Grönnen