Nen stool is en möäbel wårup as y sitten köänet. Et hevt en sitvlak, rüglöänige en mangs armlöäniges. Sunder rüglöänige heat nen stool ne krükke.

Chair-black and white drawing.jpg

Et simpelste model van stool besteyt uut minstens eynen pout, en vlak üm up te sitten en en vlak wår as y de rügge teagenan köänet löänen of med köänet understöänen. Mangs sint der ouk armlöäniges wår as y de armen of elleboagen up rösten köänet. De rüglöänige löpt vake neet heylemål töt an et sitvlak döär, mär hevt en luchtdöärlatend gat. Ouk kan de rüglöänige van luchtdöärlåtend materiaal emaked weasen.

En stool vöär meyrere personen heat ne banke.

GeskydenisBewarken

Den stool is al unmündig old. Et was in vroger tyden en teaken van anseen en waerdigheid. Der sint neet vöäle stöle uut olde tyden bewård bleaven. In et Olde Egypte makeden se stöle vake van ivoor en bewarked holt. Vöär den upsmük deaden se se inleggen med ädelsteynder.

In China gebröäken lüde uut de höygere kringe stöle (in de Tang-heyrskerslyne van 618 - 907 nå Kristus). De rest van et volk nöäm dat rap oaver. In Europa köm vöäral döär de Renaissance den stool under den andacht. Et wör en artikel wårmed lüde pronken deaden.

In de 20. eywe wör der döär den technologisken vöäruutgang vöäle meyr möägelik wat förmgeaving en materialengebruuk angeyt. Nöäst et traditionele holt wörden stöle nu ouk emaked van (eböägen) metaal en künststof. Döär massaprodukty wörden prysen ouk laeger en kunden meyr lüde stöle betalen.

NeadersassiskBewarken

In de nysassiske skryvwyse wordet alle understånde uutspråken vereynigd.