Supernatural
Supernatural (Engels veur bovennetuurlijk) is een Amerikaanse drama-/horrorserie mit in de heufrol Jared Padalecki as Sam Winchester en Jensen Ackles as Dean Winchester. Dean en Sam Winchester bin breurs dee op demonen en aandere naore paranormale wezens jagen. De serie, dee op-eneumen is in Vancouver, Brits-Columbia, wönnen veur 't eers uut-ezunnen op 13 september 2005 bie de Amerikaanse zender The WB (noen: The CW). In Nederlaand wönnen de serie vanof 6 juli 2008 uut-ezunnen op NET5, daorveur wönnen 't uut-ezunnen op Veronica. De serie is oorspronkelijk bedoch deur Eric Kripke, en is nog altied één van de uutvoerende producenten. 't Vuufde seizoen begun in Amerika op 10 september 2009.
Verhaolliende
bewarkSupernatural geet over de breurs Sam en Dean Winchester dee 't bovennetuurlijke kwaod bestriejen. Ze hemmen de taken van vaor John over-eneumen, dee dermee begunnen is um de dood van zien vrouw te vreken. Deur hum greuien ze op as demonenjagers. In elke oflevering lossen Dean en Sam een mysterie op deur mit een bovennetuurlijke tegenstaander of te rekenen. Mysteries dreien meestentieds um kwaoje gesen, mar oek vampiers, weerwolven en aandere demonen mutten verslagen wönnen.
De mysteries speulen zich of verspreid deur heel Amerika. Dit betekent dat elke oflevering zich in een aandere stad of een aander darp ofspeelt, wat de serie een extra dimensie geef. Umdat Dean vliegangs hef, riejen de breurs mit de automebiel van stad naor stad. Deans 67 Chevy Impala is dan oek, nao zien breur Sam, 't dierbaorste in zien leven.
Elke oflevering is een op zichzelf staond verhaol, mar draag oek bie an de langere verhaolliende van elk seizoen. Zo dreit 't eerste seizoen bieveurbeeld um 't dojen van de demoon mit de gele ogen. Sommige ofleveringen behaandelen bekende Amerikaanse stadslegendes zoas de vuufde oflevering Bloody Mary of de zeuvende oflevering Hookman.
Rolverdeling
bewark
| Acteur | Personage | Speult | Van/tot |
|---|---|---|---|
| Jensen Ackles | Dean Winchester | jager | 2005 - noen |
| Jared Padalecki | Sam Winchester | jager, exorcist | 2005 - noen |
| Jeffrey Dean Morgan | John Winchester | jager | 2005 - 2007 |
| Jim Beaver | Bobby Singer | jager | 2006 - heden |
| Misha Collins | Castiel | engel | 2008 - noen |
| Katie Cassidy (2007-2008) Genevive Cortese (2008-2009) |
Ruby | eertieds een hekse, laoter een demoon |
2007 - 2009 |
| Lauren Cohan | Bela Talbot | crimeneel | 2007 - 2008 |
| Richard Speight Jr. | Gabriel | Engel, trickster | 2006 - noen |
| Julie McKniven | Anna Milton | engel | 2008 - heden |
| Robert Wisdom | Uriel | engel | 2008 - 2009 |
| Frederic Lehne | Azazel | demoon | 2005 - 2007 |
| Samantha Ferris | Ellen Harvelle | eertieds een jager | 2006 - 2009 |
| Alona Tal | Jo Harvelle | jager | 2006 - 2009 |
| Sterling K. Brown | Gordon Walker | vampierenjager | 2006 - 2008 |