Tatoeba

Tatoeba is n online database mit n grode collectie veurbeeldzinnen oet veule toalen. Aandere online woordenbouken richten heur op woorden, mor Tatoeba richt heur op de vertoalens van komplete zinnen. t Woord Tatoeba komt van t Japanse woord "tatoeba"(例えば), dat "bieveurbeeld" betaikent.

t Logo van de webstee Tatoeba

Inhold

Op 31 maai 2020 haar de Tatoeba Corpus meer as 8.400.000 zinnen in 365 toalen. 72% van ale vertoalens binnen van de top 10 toalen. n 104 toalen hebben meer as 1000 zinnen en 18 toalen hebben meer as 100.000 vertoalens.

Ale toalen en dialekten mit n ISO-toalkode binnen meugelk en as dien toal der nog nait is, din kin t aanvroagd worden. Kunsttoalen zo as Esperanto, Toki Pona en Interlingua, dode toalen zo as t Latain en Oldgraiks, inheemse toalen van Amerikoa zo as t Navajo en Nahuatl, en zulfs t Leegsaksisch en t Grunneger en Drìntse dialect binnen al meugelk.

De statistieken van ale toalen kinnen zain worden op [1].

Oetgoande hinwiezen

• Offisjele webstee
• Youtube video over t idee achter Tatoeba in t Engels

Dit artikel is skreaven in et grönningsk.