Telmesiene

Ne telmesiene of rekkenmesiene is n elektries gerei woermet wiskeundige sommen emaakt köant worden. De meeste telmesienes woarket op batteriejen, mear mangs ook op zunnecellen. Ne telmesiene is gin programmeerboaren kompjoeter, skoonwal der in wat modellen verskeaidene berekkenings vuurprogrammeerd köant worden.

Zaktelmesiene

Met ne telmesiene wörd meesttieds ne zaktelmesiene bedoold. De aandere (grote) telmesienes wordt nit mear ebroekt.

Elke telmesiene kan de volgende berekkenings: optellen, oftrekken, vermenigvuldigen en delen. Met oetgebreaidere telmesienes kö'j ook wörteltrekken, perseantrekkening, en wetenskoppelike of stoatistieke funksies zo as sinus en cosinus, tangens en standaardofwieking oetvoeren.

Telmesienes wordt ebroekt duur leu in geeldzaken, en duur wetenskoppers um sommen oet te rekkenen woervuur't nog gin kompjoeterprogramma eskrewen hooft te worden. Ook is de zaktelmesiene de leste joaren too estoan op de middelbere skolen.

Telmesienes hebt meesttieds n gedeelte met knöpkes met siefers (nummeriek) en n sköarmken um n invoor en oetkomsten te zeen. De oetgebreaidere telmesienes hebt ook nog letters bie op de knöpkes(alfanummeriek), zode'j met enen knop zowal siefers as letters köant maken.

Op wetenskoppelike telmesienes kö'j ook grafieken en tabellen loaten berekkenen.

Rechtevoort zit der hoaste op elk mobielken wal ne ingebouwde telmesiene. Dee zeent eawenwal nog nit zo oetgebreaid as de'j ze lös köant kriegen.

Oetgoande verbeendige

Commons: Telmesiene - plaatjes, filmkes en/of gelüüdsbestanden.