Tieme Woldman
Tieme Woldman (Assen, 1965) is een Drèentse prozaschriever. Hij is opegruid in Wiester en woont vandage de dag in Zwolle, waor e warkt as freelance-softwareontwikkelaar.
Woldman schref romans en körte verhalen in 't Drèents en Nederlaands. Thema's daor as e drok op is, bint sport en misdaod. Wark van hum hef estaone in bladen as Hard gras en Drèents letterkundig tiedschrift Roet. Ok hef e een column in Drèentstalig blad Zinnig.
In 2013 verscheen bij Het Drentse Boek Woldmans roman Moord in het Mantingerveld, een combinatie van historische fictie en misdaodroman. Stof veur de roman beud de beruchte dreivoldige moord in 't Koekangerveld van begun twintigste ieuw. De grootolders van Woldman hebt dizze nooit opeloste moorden van dichtebij mitemeuken. Mit heur verhalen wakkerden ze Woldman zien liefde veur misdaodverhalen an. De roman is Nederlaandstalig mit Drèentse dialogen.
Op Facebook schreef Woldman de Drèentstalige thriller De Vrouw van Gemmekers Huus. In 2015 verscheen in eigen beheer zien novelle Mannen bint maakt van jonges, aover voetbal en mannenvrundschop. In 2019 kwaamp bij Van Gorcum de Nederlaandstalige detectiveroman Doodzonde uut.
In 2021 verscheen bij uutgeverije Aspekt zien non-fictiewark Onopgeloste mysteries. Ok in 2021 kump bij Het Drentse Boek zien körte roman De Affaire uut, aover een journalist die bliend carrière perbeert te maken, twee vrouwelijke politici die menare de tente uutvecht en een subsidiefraude van jewelste.
In 2013 wun Woldman mit zien verhaal 'Soap' de IVIO-Andries Greiner Prijs veur schrieftalent in Flevolaand.
Uutgaonde verwiezings
bewark
|
Dit artikel is eschreven in 't Zuudwest-Drèents. |