Tokio

Tokio (東京, Tōkyō skreewn noar t Hepburnsysteem, letterlik : "oostelike heuwdstad"), mangs ook wal es eskreewn as Tokyo, ), offisjeel de Metropool Tokio of de Prefektuur Tokio (東京都, Tōkyō-to) is ene van de 47 Prefektuurn van Japan. De 23 spesjale wiekn van Tokio, dee't alemoal as ofzeunderlike stad besteurd wordt, vormt t gebeed van de historiese stad Tokio. Binn dit gebeed wonn in 2009 mear as 8,7 miljoen inwonners. t Totale inwonnertal van de prefektuur was op 1 april 2009 hoaste 13 miljoen inwonners.

Tokio op de kaarte van Japan

De prefektuur Tokio is t middelpeunt van t versteadelikte gebeed Groot-Tokio, n grötsten metropool van de wearld, met tusken de 32 en 36 miljoen leu, of haankelik van de wieze van metn.

Tokio is seend 1868 de fakto heuwdstad van Japan. t Wörd ezeen as heuwdstad umdet doar de Japanse regearing zit, t Keaizerlike hoes en de wonstea van n Japansen Keaizer.