Tracheet

Tracheet is n vri-j felsies(zoer) uutvleujingsgesteente dat völle alkalies hef, veurnamelek kaliveldspoat.

Eigenschoppen

Et deurgoans grieskleurigen tracheet hef noast kaliveldspoat ok pyroxenen en amfibollen en kleine betjes kwarts en nefelien kunt in et stollingsgesteente veurkommen. De silika-samentrekking in éne punte van et gesteente is hoge, howal et weinig kwarts hef. Et meeste silica zit in de veldspoaten.

Tracheet is volgens et QAPF-diagram n oavergängsgesteente tussen fonoleet (rieker an nefeleen) en rhyoleet (rieker an kwarts). Den deeptegesteente-vörm van tracheet is syeneet.

Den name van et gesteente tracheet is of-eleid van et Griekse trakhus, dat "row" betekkent.

Tracheten komt veur in vulkaniese gebeden dee alkali-riek vulkanisme kent. Et gesteente wodden under andere evörmd in den Groten Slenk, moar et kump ok veur in den Duutsen Eifel, de Azoren, Tenerief en de Black Hills in Zuud Dakota, Vereanegde Stoaten.