Trekker trek

Trekker trek, ok wal trekkerslep of tractor pulling, is ne mechaniese sport, woar 't ze met nen standard of spesjaal an-epasten trekker ne zwoare slöpkoare ovver n zaandterrein van zon 100 meter prebeert te trekken. Den trekker den et wietste kump hef ewonnen. As der meer trekkers in ne klasse an et ende van et terrein komt (full pull), maakt ze de slöpkoare zwoarder, tot den winnaar bekend is. De sport is geleefd in Amerika, Europa en Australië.

It Kypmantsje2

De slöpkoare hef ne speciale konstruktie, met n gewicht derop dat in et begin achterop de koare steet, moar hoo wieter de koare etrokken wöd, wieter noar veurten kump. Et gewicht kump dan steureg meer op ne plate op de grond te rösten, woardeur et zwoarder wörd um de koare nog wieter te trekken.

De trekkers dee't metdoot könt normale landbouwtrekkers wean, moar et spektakulearst bunt de klassen met spesjale trekkers. Disse trekkers könt meer as enen motor hebben, spesjale braandstoffen gebroeken, en zelfs stroalmotoren komt veur. De starkste trekkers hebt dan ok doezenden pk's.

Noast de motoren en ne starke konstruktie, bunt de (achter)baanden alderbastend belangriek, um genog grip te hebben um de koare nog wieter te trekken.