Vatikaanstad
Vatikaanstad (Latien: Status Civitatis Vaticanae, Italiaans: Città del Vaticano) is t soevereine gebied van t kleinste onofhankelike land ter wereld, t wördt umringd deur de stad Rome en hef n eigen stadsmure, waordeur is n enklave is in Italië.
.svg)
t Wördt vertegenwoordigd deur de Heilige Stoel en huusvest de heufdzaetel van de Rooms-Katholieke Karke. t Staotsheufd van Vatikaanstad is de paus, zien offisiële verbliefplaatse is t Apostolies Paleis. De paus hef n zien eigen kamerheer, die n camerlengo eneumd wördt.
t Dwargstötien is in 1929 ontstaon as gevolg van t Verdrag van Lateranen, dat Paus Pius XI en Benito Mussolini ondertekenden. Daorin is naodrukkelik op-eneumen dat t n nieje staot is. Formeel kan t dus niet ezien wörden as voortzetting of herlaeving van de Karkelike Staot.
Der wonen zo'n 900 mensen op n oppervlakte van 0,44 km², mar der kommen dageliks duzenden toeristen.
De stad hef n eigen pliesiedienst die geheel uut Zwitsers bestiet, de Zwitserse garde, dit is n aoverbliefsel van t oorspronkelike leger van de paus. t Tradisionele uniform is ontwörpen deur kommandant Jules Repond en niet deur Michelangelo, zo as vake edacht wördt.
Vatikaanstad is gien lid van de Europese Unie, mar nemp wel deel an verschillende internasionale organisasies. t Stiet sinds 1984 op de Wereldarfgoedlieste van UNESCO.
Uutgaonde verwiezingen
bewark
|
Commons: Vatikaanstad - plaatjes, filmkes en/of gelüüdsbestanden. |
|
Dit artikel is eskreaven in et sallandske dialekt van Wieje, in de Algemene Nedersaksiese Schriefwieze. |