Veeldriedn

Veeldriedn (ook mangs cyclocross neumd) is ne sport woerbie't leu op ne fietse duur roew laand jaagnt.

Oetleg

In disse sport mut deelnemmers, de veeldrieders, zo rap meugelik nen ofgebakenden weg oflegn. t Grötste deel van disse weg is nit verhard. De rieders mut dan duur bos, sleute en zaandweagn. Bie stukn woer't nit teegn te treadn vaalt (spikke hellings of drekkerige stukn) mut n veeldrieder van de fietse en loopnd verdan met de fietse op n skoolder. t Wedstriedverbaand vaalt vake op n weenterdag, en bie de betaalde rieders doert ne wedstried n uur. At t vuur de wearldbeker is, keump dr ne roonde bie op.

Disse sport is vuural in Vlaandern slim populear. Völle kampioensrieders komt doar ook weg, zo as Sven Nys, Bart Wellens, Erwin Vervecken en Niels Albert. Ook in de greansgebeedn van Neerlaand, woer't t wat heuwelachtiger is, zo as in Noord-Broabaant, n Achterhook en Tweante is de sport ook geleefd. Ene van de oold-wearldkampioenn is Hennie Stamsnijder oet Eanter. Rechtevoort zeent grote naams in t veeldriedn Lars Boom, Gerben de Knegt en Thijs Al. Bie de vrouwleu dut t Marianne Vos de leste joarn good.

Oetgoande koppeling

veldrijden-info.com