Vooldwaag

anhanger met doarin ne oetklapbare teant

Ne vooldwaag is nen anhanger met doarin ne oetklapbare teant.

Oet klapte vooldwaag
Disselbak van dichte vooldwaag

Net as ne caravan of ne teant is de vooldwaag ne vorm van een mobiel vakaantiehoes woar at leu met en kamperen goat. Ze zeukt zich ne stiej woar at ze ear ‘huuske’ toozet um nen zet te verblieven. Dat kan op ne camping wean of in de vrieje natuur.

Vooldwagens bint der in alle soorten en moaten. Duur het al is der in elk geval sproake van een frame van oetschoefbare pöal woar at dan het teantdook oawerhen wördt trökken, woarduur der ne leafruumte ontsteet. Net as biej ne teant wördt het geheel vastzet met touwen en hearingen. Wat mearken hebt ok een (eenvooldig) kökkenke.

Duur het kloke oetklapmechanisme kan ne vooldwaag vaak sneller wörden opbouwd as ne gewone teant van hetzölfde formaat. Leu die at bie ne caravan het kampeergeveul mist, mear ne teant te völ gedoo veendt, kiest vaak vuur ne vooldwaag.

Mearken van vooldwagens bint biejvuurbeeld Alpenkreuzer, Holtkamper en CombiCamp.

Dit artikel is eskreaven in et twentsk.