WALD-spelling
De WALD-spelling is ooit ontwikkeld veur t Woordenboek van de Achterhoekse en Liemerse Dialecten (of-ekort: WALD), disse spelling wörden (in een wat an-epassen vorm) oek gebruukt in t Woordenboek van de Gelderse Dialecten. De spelling was dus feitelik spesiaal veur dat woordeboek ontwörpen, mer de WALD-spelling wörden inmiddels oek veur algemene schrieverieje in t Achterhoeks en Liemers gebruukt.
De WALD-spelling hef de volgende klinkers: aa, a, ae, ee, e, i, ie, u, uu, ao, oo, o, äö, ö, eu, oe. Hier zie'j dat dit t zelfde is as t Nederlaandse systeem, mer dat de ae, ao, äö en ö aanders bin, dit kump deurdat disse klanken neet in t Nederlaands veurkoemen. De medeklinker bin in de WALD-spelling t zelfde as in t Nederlaands. Wat oek opvuilt an disse spelling is dat t n onderscheid maakt in de ó en ò en korte en lange klanken (mit een dubbele punt), hieran ku'j goed zien dat de spelling veur n woordeboek is ontwikkeld. In de WALD-spelling koemen t vortlaoten van de e in -en (zo as in loopm) en voluut schrieven van -en (lopen) naost mekaar veur, in de Liemers he'j doarnaost nog t vortlaoten van de -n (lope).