Wals (muziek)
De Wals is ne muzieksoorte wat in 3/4-moate espöld wörd. Dit hoold in dat elke moate in dree teln van geliekn doer is verdeeld. Hierbie ligt t zwoartepeunt aait op n eersten tel, en de aandere twee zeent pikkenootn, woerduur t bekeande HOEM-pa-pa-geluud ontsteet. Walsen hebt aait mear 1 akkoord per moate.
Geskiedenisse
bewarkSkriewers van klassiekn muziek skreewn vake muziek bie bepoalde daanskes as ze doarumme vroagn wörd, en Frans Schubert zinne walsn wördn eskreewn vuur daansen in thoes, zoonder det t de bedolige was at t muzikaal hoogstoand zol wean. Freaderik Chopin zinne 18 walsen, skoonwal, warn nit bedoold um op te daansen. Disse walsen gavn an det de wals geskikt was as serieuzen komposisiestiel. Nen bekeandn vuurloper van Chopin was Carl Maria von Weber zinne Oetneudiging töt de daans, wat as n eerstn konsertwals wörd ezeen.
Aandere bekeande walsn in klassiekn muziek zeent 16 van Johannes Brahms (eerst allene vuur pianoduet) en Maurice Ravel's Valses nobles et sentimentales vuur piano en La valse vuur n orkest.
n Wals was op n bepoald oognblik zo belangriek in Europese muziekkringn det gode walsskriewers de earvolle titel van "Walskeunink" kreegn. Bie den titel kreegn ze dan nen "keuninkliken staf", nen versierden zivernen stok den't van muzikaant op muzikaant oawergung. Johan Strauss Jr. kreeg ne regelmoatig.
Bekeande walsn
bewarkDr zeent duur de joarhoonderte hen onmeundig völle walsen eskreewn, mer dr zeent dr wat dee't nog aait onmeundig bekeand en geleefd zeent:
- An den mooien blaauwen Donau van Johan Strauss
- Slawenkoor van Nabucco
- n Tweedn Wals van Johan Strauss, de leste tientaln joarn wier bekeand ewördn duur André Rieu.