Woapen van Oldnzel

t Woapen van Oldnzel is t gemeantelik woapen van de Oaweriesselse gemeante Oldnzel. t Woapen wörn me't Köninklik Besloet öp 24 növeamber 1819 an de gemeante geawen.

t Woapen van de gemeante Oldnzel.

Ne koarte van Oldnzel oet 1626, me't stadswoapen rechtsboawenin.

Blazoenerige

De ömskriewige van t woapen is (in t Neerlaands):

"Van lazuur, beladen met een kruis van goud in de bovenste regterhoek is geplaatst het borstbeeld eens bisschops van goud en gekeerd ter linkerzijde van het schild. Het schild gedekt met eene kroon van goud."

In de woapenömskriewige wör der niks zegd oawer t feait de't woapen ne krone met vief fleurons hef.

In de heraldiek mö'j leenks en rechts as van achter t skild bekieken. Van veurne is leenks veur de kieker dus rechts, en rechts leenks.

De kleurn van t woapen bint de riekskleurn.

Skiednisse

t Woapen van de gemeante is of-leaid van t stadswoapen van Oldnzel. Doarmet kömt t kwa veurstellige oawerean, moar kwa kleurn nich. t Stadswoapen is noamlik van rood en zilwer, tarwiel t gemeantewoapen besteet oet de riekskleurn.

Völgens de oawerleawerige wörn t woapen an de stad geawen deur biskop Balderik van Utrech. Hee was den geanen, den t kapittel van Oldnzel öpzetten. Men deankt de't zin börstbeald is det in t earste kwertier steet.

t Woapen kömt al veur öp n zeggel oet 1528.

In 1811 skeiden de gemeante Loster zich of van t richterambt Oldnzel. n Olden baand met Oldnzel blif in herinnerige deurdet n earsten hälft van t skild van t woapen van Loster oe't woapen van Oldnzel besteet.

Glieksoartige woapens

• 
  Stadswoapen in de Atlas van Loon.
• 
  Woapen van Loster.
• 
  Woapen van Weersel.