Woapen van Lönnker
t Woapen van Lönnker was t woapen van de veurmoalige Oaweriesselse gemeante Lönnker. t Wörn öp 1 noveamber 1898 deur n Köninklik Besloet an de gemeante geawen. Sedert 1 mei 1934 is t woapen nich mer n offisjeel gemeantewoapen, doar de gemeente Lönnker met de gemeante Eanske soamen gung.
Blazoenerige bewark
De beskriewige van t woapen is (in t Neerlaands):
"In zilver een dwarsbalk van keel, beladen met een vijfhoekige schans van goud."[1]
De heraldieske kleurn bint zilver (wit), keel (rood) en gold (geel).
Verkloarige bewark
Doar ne nieje vergoaderzoale veur de Stöate van Oaweriessel baauwen wörn an t end van t 19e joarhönnerd woarin de woapens van gemeanten in de veanster ploast wörn zoln, mös de gemeante Lönnker n eaigen woapen anvroagen. De vief hoken van de skanse könt verwiezen noar de vief marken dee soamen Lönnker vörmen: Lönnker, Drene, Twekkel, Ossel en Esmarke.[2]
Olde gemeantehoes bewark
t Woapen van Lönnker kö'j rechtevoort nög aajt veenden öp de muur van t olde gemeantehoes van Lönnker. Det hoes is een Rieksmonument det binnen de stadsgreanzen van Eanske leg, an de Hengelostraat teagenoawer n Prinsessetunnel, en is rechtevoort in partikuliere haanden.[2]
Referensies bewark
- ↑ Wapen: gemeente Lonneker. Hoge Raad van Adel (13 september 1909). Bezocht: 19 juni 2016.
- ↑ 2,0 2,1 Publicatie n Sliepsteen voorjaar 1985. Historische sociëteit Enschede-Lonneker. Bladziede 4.
|
Dit artikel is eskreaven in et twentske dialekt van Eanske, in de Algemene Nedersaksiese Schriefwieze. |