Watermöäle

Ne watermöäle is ne möäle dee anedreaven wördt döär waterkracht. Et is en bouwwark wat med en waterrad of waterturbine in ströymend water steakt un sou en mechanisk proces andrivt, sou as målen, rullen of hameren. Med disse processen künnet vöäle goderen emaked worden, sou as bloom, holtwark, papyr, textyl un nen houp metalene produkte.

Oustendörper Watermöäle by Hoksebarge

Watermöälen wordet vake indeyld up of et rad platligt of rechtup steyt.

De menske makeden nen flinken trad vöäruut in de techniske untwikkeling do as et waterrad uutevünden wör. Water hevt ja vöäle meyr kracht as en menske, wårdöär heyl wat meyr terechte maked worden kun. Waterrader wörden in Egypte, Syrie, India un China al rap gebruked in de landbouw, as skuppenrad üm water up to krygen un et land to bewateren. Undersökers meynet dat et eyrste waterskuprad rund 1200 vK in Mesopotamie gebruked wör.

Den eyrsten wat waterkracht as energybrunne beskreav was Philon van Byzantium. De greken in den 2. eyw vöär Kristus wüsten al van watermöälen. Ouk de Romeinen deaden heyle bouwwarken up waterkracht uutdenken. En vöärnaam vöärbeald uut de 2. eywe ligt by et franske Fontvieille. In de Middeleywen untwikkelden de lüde noch meyr topassingen.

Med den kumst van stoum un elektriciteit warren watermöälen neet meyr nöydig. Rechtevoord wordet se noch vöäle underhölden vöär turisme.