Webkroeper

Ne webkroeper (ok wal webspinne e-noemd) is 'n computerprogramma dat 't wealtwiede web op ne logische wieze doorbladert, as een soort robot. Kroepers maakt meestieds ne lokale kopie van de gevonden webzieden um disse later te können verwarken en indexeren veur bi-jveurbeeld zeukmachines.

Architectuur van ne webkroeper

De wieze woarop ze warkt is simpel: den kroeper begunt met ne lieste met URL's (oaver 't algemeen internet adressen) en bezöch disse ene veur ene, woarbi-j alle hyperlinks die in de bezochte zieden veurkomt aan de lieste van te bezeuken URL's too wodt eveugd. Op disse wieze kan 'n kroeper hoast alle openboare zieden op het internet langsgoan. Vake komt spiders met nen zekeren regelmoat langs om euren index actueel te hollen.

Kroepers deent zich tijdens euren rondgang te gedraegen umdat ze webzieden sneller könt opvroagen en verwarken dan een echt mense dat kan. De meeste kroepers nemt de meuite um webzieden van ene webstee neet allemoal achter mekare op te vroagen maar disse oaver ne bepaalde tied te verdelen, um zo te veurkommen dat de webserver overbelast raakt.