Wikipedia:Visuele tekstverwarker

Logo Visuele tekstverwarker

De visuele tekstverwarker van de Wikimedia Foundation is n nieje maniere um Wikipedie (en aandere projekten van MediaWiki) te bewarken zonder de spesiale wiki-opmaak te hoeven kennen. De artikels zien der bie t bewarken t zelfde uut as tiejens t lezen (t zogenaamde WYSIWYG of WaZIWaK), je zien dus de wiezigingen al a'j de boel an t tikken bin, liek as bie t schrieven van n dokument in n tekstverwarker.

Sinds begin juni 2013 ku'j de opsie "visuele tekstverwarker" (as alfaversie) anzetten op de Nedersaksiese Wikipedie.

Hoe t noen in mekaar stikBewarken

De visuele tekstverwarker hef (onder aandere) de volgende funksies:

  • Tekste zonder opmaak bewarken
  • Tekste verwarken en opmaakstiel (vet-edrokt, schunedrokt, kopjes in meerdere nivo's)
  • Interne en uutgaonde verwiezingen
  • Liesten mit en zonder nummers
  • Mallen anpassen en derbie doon
  • Referensies anpassen en derbie zetten (mer maakt gebruuk van wikisyntax)
  • Inhoud van tabellen anpassen (aandere bewarkingen op tabellen bin niet meugelik)

De volgende funksies bin der nog niet, niet goed, of ze bin beteund:

  • Riejen, kolommen of sellen bie tabellen derbie doon.
  • Laojen en opslaon (niet biester vlogge)
  • Aandere ingewikkelde zaken, zo as aofbeeldingen, aofbeeldingsgalderiejen en formules in LaTeX anpassen
  • Webkiekerondersteuning (noen allinnig nog mer de leste versies van Google Chrome, Firefox en Safari)
  • Beschikbaorheid (noen allinnig in de artikelnaamruumte en de gebrukersnaamruimte)

Delen van artikels die niet deur de visuele tekstverwarker an-epast kunnen wörden, zie'j as n ekleurd vakjen.

In dit stadium kunnen der nog alderhaande zaken in t biester lopen.

GebrukenBewarken

Binnenkort zal de visuele tekstverwarker standard veur elke gebruker an staon en ku'j in joew veurkeuren instellen a'j t niet gebruken willen.

Op heden kan de visuele tekstverwarker an-ezet wörden deur in joew veurkeuren op t tabblad Bewarkingsvelden t hokjen veur Visuele tekstverwarker anzetten an te vinken.

Wat vie'j dervan?Bewarken

De ploeg die de visuele tekstverwarker ontwikkelt wil grege van joe weten wat veur zake der allemaole misgaon. Geef problemen deur op disse zied: Wikipedia:Visuele tekstverwarker/Kommentaar