Wilfried Finkers
Wilfried Finkers (Almelo, 18 mei 1957) is nen twentsken grappenmaker den as vöäral bekend wörden is döär syne byrullen in de uptreadens van syn bröder Herman Finkers. Nå at Herman der üm syne gesundheid med uut must skeiden, slöät Wilfried sik an by et komiske tweytal Ernesto & Marcellino.
Leavensloup
bewarkWilfried Finkers wör jung in Almelo. Hee güng hen biology studeren an de Ryksuniversiteit van Grönningen. Dår stichteden hee de vereynige “Op Zwart Zangzaad”, dee der vöäral up richt was üm komiske teksten en uutvoringen te brengen. Syn bröder Herman was dår selv anvangelik neet sou druk by, mär deade uuteandelik toch es med en paar gastuptreadens med. Dat voorden uuteandelik selvs töt syn eyrste teaterprogramma “Op Zwart Zangzaad” (1979). Dår tröäk hee al meyr volk med.
Wilfried deade undertüsken wyder Biology studeren en rundden dat ouk af. Ouk güng hee under den deenst as grupsleider med handikapten. Dat bevöl em sou good dat hee et nå syne verplichte undersöökstyd medeyne weader upvatteden.
In 1987 vröög Herman Wilfried üm weader med mekander vöärstellingen te skryven. Vanaf dee tyd was Wilfried der altyd by üm shows te helpen skryven. Ouk deade hee achter de sköärme de techniek en et lecht. Mangs küm hee dan ouk et podium up, wår as hee altyd nen dåren döl spölden. De shows warren aait slim dröyge, med absurde verhalen en visuele grappen. Ümdat der weinig med et todaagse nys edån wör, is de humor årdig tydlous ewörden. De samenleaving der döär halen deaden se ouk naueliks. Mangs ne keyr, mär håste nooit rechtstreyks.
In 2000 skeidden Herman der med uut vanweage syne gesundheid. Wilfried must ander wark söken. Hee wör höyvd Technisken Deenst by et hengelske Rabotheater, mär verlangden voordan når vöärstellingen maken en uptreaden. Nå et seen van de vöärstelling “Remmen” van Ernesto & Marcellino in teater De Kleine Kunst in Hengel, slöät hee sik in 2002 by dat tweytal by an. De beiden hadden öär name gaerne ümmenöömd når trio, mär Wilfried bleav lever halv up den achtergrund. Dårnöäst bleav hee in deyltyd vöär et Rabotheater warken.
Vyv vöärstellingen van Ernesto & Marcellino hevt Wilfried an med dån. Öär leste vöärstelling, “Het beste dan maar,”, was töt an mei 2012 in de teaters te seen.
Oaversicht van teatervöärstellingen
bewarkMed Herman Finkers
bewark- Op Zwart Zangzaad (1979)
- Het Meisje Van De Slijterij (1987)
- De Zon Gaat Zinloos Onder, Morgen Moet Ze Toch Weer Op (1990)
- Dat heeft Zo'n Jongen Toch Niet Nodig (1992)
- Geen Spatader Veranderd (1995)
- Kalm aan en rap een beetje (1998)
- Nat (2002)
- Ga d'r zelf maar eens staan (2004)
- Wat hebben wij het dan goed hè? (2006)
- Diepgang (2008)
- Het beste dan maar (2010/2011)