Willewipper
Ne willewipper is n deenk um kroonkorken met van fläskes of te wippen. t Woard willewipper is n neosassisme vuur t vrömd kleenkende beerlösdoner.
Op t gerei wör op 6 februwoari 1894 pateant evroagen oonder n namen Capped-Bottle Opener, duur William Painter[1] as heandige toovoging bie de kroonkork, den at he twee joar earder al oetveund. Zinne Capped bottle-Opener lik völle op ne Bottle Uncapping Tool den at op 11 juli 1893 duur Alfred Louis Bernardin patenteerd wör. t Grötste verskil is det Painter zin deenk in n tuk te stekken is, terwiel at Bernardin's deenk vaste op de toafel zit.
Willewippers zeent dr in verskeaidene soorten en moaten. Ze wordt völle gebroekt duur bedriewe um öaren namen op te zetten en oet te delen as promosiespul. Jonge leu gebroekt ze nit vake; iej mut der mer net ene bie oew hebben, en der zeent zat aandere dinge woermet o'j dinge lösmaken köant. Vake wordt anstekkers gebroekt, mear t kan ook met de taande, ringe an de vingers, op reande van beerkisten en toafels, met aandere fläskes, en zelfs met de oogkassen. Mear maneren zeent te zeen in dit filmken: 1000 ways to open a beer
 |
 |
| Bronnen / wellen: |
|
Commons: Willewipper - plaatjes, filmkes en/of gelüüdsbestanden. |