Wilsum is n dörp an de Iessel in de gemeente Kampen in de Nederlandse provinsie Overiessel. Wilsum ad op 1 jannewaori 2010, 827 inwoners.[1]

Sunte-Lambärtuskärke

Wilsum is ebouwd op n rivierdune. De plaatse wördt veur t eerst vermeld in 1213. Al véúr 1321 kreeg Wilsum van de bisschop van Utrecht stadsrechten[2]. Wöörskienlik wol de bisschop iermee zien machtsposisie tegenover Kampen verstärken [3]. In karakter is Wilsum altied n dörp ebleven. Töt 1937 was Wilsum n zelfstandige gemeente.

De ervörmde kärkeBewarken

De ervörmde Sunte-Lambärtuskärke, die van rond 1050 stamt, is een van de oldste kärken van Overiessel. Volgens de ervörmde kärkvoogdi'je van Wilsum zelfs dé oldste. In 1580, toen de reformasie begun, wieren de erediensten vervangen deur protestantse en wieren de 'Roomse kenmärken' van t gebouw e-aald. In 1975 wier t elemaole erestaureerd.

FolkloreBewarken

In Wilsum wördt nog op de leste zaoterdag van augustus, (31 augustus was de verjöördag van Koningin Wilhelmina), t ‘oranjefeest’ evierd.

Natuurbe-eerBewarken

Bi'j Wilsum e'j n paar nöstpaolen veur ooievaars op-esteld die met wisselend sukses brödparen trekken. t Uterweerdengebied buten t dörp met olde rivierärms wördt veur n groot deel as Natura 2000 natuurgebied be-eerd. Bedreigde vogelsoorten as de zwärte stern en de kwärtelkoning nöstelen ier. Der komen zeldzame en beskärmde planten veur zo as de kieftsbloeme. t Gebied is onderdeel van t Nasionaal Landskap Iesseldelta.

ReferensiesBewarken

  1. Gemeentegids Kampen 2010/2011
  2. Dicky Haze (2007) Wilsum, een kortstondig handelsplaatsje in: Overijsselse Historische Bijdragen, 122e stuk blz. 158-161 Internetversie
  3. J.A. Paasman "Aan de monding van de IJssel" p 22

Uutgaonde verwiezingBewarken

  Commons: Wilsum - plaatjes, filmkes en/of gelüüdsbestanden.


  Dit artikel is eskreaven in et sallandske dialekt van Kampen, in de Algemene Nedersaksiese Schriefwieze.