Woarskuwingsstelsel

t Woarskuwingsstelsel öf woarskuwings- en alarmearingssysteam is n netwark van 4275 sireanen in Neerlaand dee droadleus en önofhaankelik van mekoar an-zet können wörren vanoet de alarmsentroale van n regionoalen braandwier. De sireanen wört broekt öm te woarskuwen veur (ankömmend) gevoar, veural as doarbiej gevoarlike stöffe in de loch anweazig (könt) wean. t Woarskuwingsstelsel is van t Ministerie van Binnenlaandse Zoaken en Könnigrieksreloasies en is öp 3 juni 1998 in broek nömmen.

As de sireane ofgeet

De bevölkige is via pebliekskampanjes van teveuren instrueard öm in t val det de sireane geet t hoes in te goan, veansters en deure te sluten en roadio öf televisie an t doon. Öp an-wezen raampenzenders kän de oawerheid wiedere anwiezigen geffen, biejveurbeald det n gebeed evakueard wörren möt öf öm ventiloasiesysteamen oet te doon.

As de sireane geet is t NICH de bedolige de'j de politsie öf t alarmnömmer 112 geet bellen. De erwoarige hef geawen det völle mensken det töch doot woardier de tellefeunlienden oawerbeläst roakt en de alarmsentroales öar wark nich doon könt.

Bereik

t Bereik van t woarskuwingsstelsel is boaseard öp mensken dee zich boeten gebaawen beveendt. Det betekkent de't alarm binnen n gebaaw mangs wal meender good te heuren is. Det is zoo doan ömdet mensken dee zich al binnen beveendt al an de advezen öm binnen te blieven vuldoot. De sireanen könt ofzönnerlik öf as groop in-skoakeld wörren. Hiermet kän selektief alarmeard wörren zodet alleannig n tröffen gebeed bereikt wör. Hiermet wör önnödigen peniek veurkömmen en wör ok veurkömmen det mensken t alarm nich mear serieus nömmen goat.

Test

De sireanen wörren moandeliks test öp n earsten moandag van de moand öm 12.00 uur behalwe öp feastdäge, Nasionoale Deudenherdenking öf biej oare spesioale beurtenissen. n Test dör 1 minuut en 26 sekönde.

Oetgoande lienden

[1] www.crisis.nl, in t val de't lochalarm ofgeet.
[2] Landelijke Faciliteit Rampenbestrijding