Wout Weghorst

Wout Weghorst (Borne, den 7. augustus 1992) is nen professioneel vootballer uut Twente.

Loupbane

Weghorst begünde by RKSV NEO in Borne. Up jungen leavtyd wüst hee ne vaste steade in et eyrste elvtal te krygen en wör al rap den topskorer van de klub. Hee vertröäk når DETO Twenterand, wat in ne höygere klasse spöälden. Dår völ hee up by en paar profklubs. Weghorst köäs uuteandelik vöär Willem II. Dår bleav hee spöälen in et belovtenteam en kreag hee ginne vaste steade in et eyrste. Dårümme vertröäk hee når FC Emmen, wårmed hee up 10 augustus 2012 syn eyrste wedstryd in et betaalde vootbal spöälden teagen FC Dordrecht (wat in 1-1 eandigden). Syne eyrste goale makeden hee up 21 september 2012, in de derby-wedstryd tüsken FC Emmen en BV Veendam. Weghorst makeden de 2-1. In syn intreadseisoon spöälden hee 28 wedstryden med in et eyrste en makeden 8 doolpunten. Summer 2014 löäp syn kontrakt af en kunde hee kostenlous når Heracles Almelo.

Up 9 augustus van dat jår spöälden hee vöär Heracles syn eyrsten wedstryd in de Eyredivisy, as invaller teagen AZ Alkmaar. De wedstryd was med 3-0 vöär AZ. Weghorst bleav noch twey seisonen en in totaal sestig wedstryden vöär Heracles vootballen. Dårmed stünd hee in et seisoon 2014/2015 töt twey spöälrunden vöär et eande up degraderen. Et jår dårup wörden hee en syne ploge sese en möägen se döär de afvalrundes van 2016 vöär et eyrst in de geskedenisse van de klub med in et Europeesk vootbal.

In 2016 teykenden Weghorst en kontrakt by AZ töt midden 2020, de klub wat et jår der vöär veerdes wörden was. In syn kontrakt stünd ne opty vöär en jår der by. Vöär AZ makeden hee up 24 november 2016 syn eyrste doolpunt in de Europaliga, wårmed as AZ med 1-0 wün van Dundalk FC. Weghorst wör en belangryk man vöär AZ. In syn tweyde spöälseisoon makeden hee 18 doolpunten in wedstrydverband en haalden de darde steade in de Eyredivisy en de KNVB Beakerfinale. Dit leyverden em oaverplaatsing når VfL Wolfsburg up.

By de düütske klub VfL Wolfsburg draiden hee in syn eyrste seisoon (2018/19) souwat alle wedstryden med en makeden hee söäventeen goals in de Bundesliga. Hee wör klubtopskorer en besörgden VfL ne sesde steade, wat öär de Europaliga in hülp. De volgende seisonen deade Weghorst et ouk good by die Wölfe. Seisoon 2020/21 spöälden de klub sik veerdes in de Bundesliga, wårmed as se med möägen in de UEFA Champions League.

Klubcyfers

Seisoon	Klub	Land	Wedstrydverband	Wedstrydverband		Beaker		Europa		Oaverig		Totaal
Seisoon	Klub	Land	Wedstrydverband	Wed.	Dlp.	Wed.	Dlp.	Wed.	Dlp.	Wed.	Dlp.	Wed.	Dlp.
FC Emmen 2012/13	Emmen	Neaderland	Eyrste divisy	28	8	2	0	—		0	0	30	8
FC Emmen 2013/14	Emmen	Neaderland	Eyrste divisy	34	11	2	1	—		0	0	36	12
Klub totaal				62	19	4	1	0	0	0	0	66	20
Heracles Almelo 2014/15	Heracles Almelo	Neaderland	Eyredivisy	31	8	3	1	—		0	0	34	9
Heracles Almelo 2015/16	Heracles Almelo	Neaderland	Eyredivisy	33	12	2	1	—		4	2	39	15
Klub totaal				64	20	5	2	0	0	4	2	73	24
AZ Alkmaar 2016/17	AZ	Neaderland	Eyredivisy	29	13	4	0	12	1	4	4	49	18
AZ Alkmaar 2017/18	AZ	Neaderland	Eyredivisy	31	18	6	9	—		0	0	37	27
Klub totaal				60	31	10	9	12	1	4	4	86	45
2018/19	Wolfsburg	Düütskland	Bundesliga	34	17	2	1	—		0	0	36	18
Bundesliga 2019/20				32	16	2	2	9	2	0	0	43	20
Bundesliga 2020/21				34	20	4	3	3	2	0	0	41	25
Klub totaal				100	53	8	6	12	4	0	0	120	63
Loupbane totaal				286	123	27	18	24	5	8	6	345	152

Interlands

Weghorst wör köäsen vöär Jong Oranje.^[1] Hee makeden up den 14. oktober 2014 syn eyrste goale vöär Jong Oranje, in nen afvalwedstryd teagen Jong Portugal.

Interlands van Weghorst vöär Jong Oranje
No.	Dåtum	Wedstryd	Uutslag	Ård wedstryd	Doolpunten

As spöäler vöär Heracles Almelo					1	1	14 oktober 2014	PORf-21 – NED-21	5 – 4	Afvalwedstryd EK –21 jår 2015	goale

Up den 23. määrt 2018 küm Weghorst vöär et eyrst uut vöär et Neaderlandsk vootbalelvtal. In de 89. minute wör Stefan de Vrij ewesseld en möäg Weghorst et veld up. Den ovenwedstryd teagen Engeland verlöären se med 0-1. Vöär ne vaste steade in Neaderlandsk elvtal must hee noch eaven twey jår geduld hebben, want Luuk de Jong stünd up syne steade as goalafmaker.

Nå en good seisoon by syne klub Wolfsburg nöäm domålig bondscoach Frank de Boer em vöär vaste up in de selekty vöär et EK 2020, wat weagens de coronapandemy en jår upesköäven wör. Up den 6. juni van 2021 makeden hee syn eyrste goale vöär et Neaderlandsk Elvtal in de vreandskappelike wedstryd teagen Georgie. By et EK gavven De Boer em in de eyrste twey wedstryden ne vaste steade. By de eyrste wedsty teagen Ukraine makeden hee eyne goale. By de darde en veerde wedstryd must hee syne vaste steade afstån an Donyell Malen.

Internationale wedstryden van Weghorst vöär et Neaderlandsk Elvtal
№	Dåtum	Wedstryd	Uutslag	Wedstrydård	Goals

As spöäler vöär AZ
1.	23 määrt 2018	NED – ENG	0 – 1	vreandskappelik
2.	31 mei 2018	SVK – NED	1 – 1
3.	4 juni 2018	ITA – NED	1 – 1
As spöäler vöär VfL Wolfsburg					2
4.	19 november 2019	NED – EST	5 – 0	Plaatsingswedstryd EK 2020
5.	2 juni 2021	NED – SCO	2 – 2	vreandskappelik
6.	6 juni 2021	NED – GEO	3 – 0	vreandskappelik	goale '55
7.	13 juni 2021	NED – UKR	3 – 2	Gruupsfase EK 2020	goale '58
8.	17 juni 2021	NEDf – AUT	2 – 0
9.	21 juni 2021	MKDf – NED	0 – 3
10.	27 juni 2021	NED – CZE	0 – 2	Achtste Finale EK 2020
11.	8 oktober 2021	LAT – NED}	0 – 1	Plaatsingswedstyd WK 2022
12.	11 oktober 2021	NED – GIB	6 – 0	Plaatsingswedstyd WK 2022

Y mut et mär weaten

Seyd 2020 is Weghorst ambassadöör vöär Join for Joy.
Tydens de coronapandemy küm Weghorst in upspråke ümdat hee sik uutspröäk teagen enten. Neet vöäle later böäd hee syne veruntskuldigen an en kreag de seekde selv.^[2]

Brunnen, nöyten en/of referentsys

[1] Wout Weghorst van Heracles Almelo geselecteerd voor jong Oranje

[2] Metronieuws.nl. "Wout Weghorst, die eerder voor corona-ophef zorgde, nu zelf besmet". Skreaven up 18 oktober 2021. Bekeaken up 21 december 2021.

[1]

[2]