Aloys Terbille
Aloys Terbille (Vrene, Westfalen, 30 december 1936 - ok daor, 30 oktober 2009) was een Platduutse schriever uut 't Mönsterlaand.
Terbille gruide op onder de 'akkerbörgers' (in de stad wonende boeren) van 't stadtien Vrene. Hij gunk naor 't humanistische gymnasium en studeerde daornao pedagogiek en Platduutse schrieverije in Mönster en heilpedagogie en psychologie in Düörpm. Vervolgens warkte e as leraar in 't speciaal onderwies.
Vanof 1978 schreef Terbille in 't Westmönsterlaands. Zien schaarpe gedichten aover de Jeudenvervolging in Vrene trökken de andacht. Zien in Nederlaand verschenen boek Spoor van Lieden allevedan (1983), aover 't lot van de Jeuden in Vrene, kreeg e 't aandere jaor de Klaus Groth-Pries veur. In 1994 ontvung e de Freudenthal-Pries veur de gedichtencyclus Een Jaohr un all de annern. In 2010 kreeg e een tweede maol de Freudenthal-Pries, ditmaol postuum.
Terbille hef ok radiowark edaone.
Schrieverije
bewark- Spoor van Lieden allevedan (Zellem: Van Keulen, 1983)
- Use Spraoke: Lyrik un Prosa van Weerskanten van de Grens (mit Agnes Kottmann en Annette Winkelhorst, Vrene: Landeskundl. Institut Westmünsterland, 1989)
- Welldage. Niederdeutsche Gedichte aus dem Grenzland (Zellen: Van Keulen, 1997)
Bronnen
bewark
|
Dit stok is eschreven in 't Zuudwest-Drèents. |