Anderhalve eeuw Zwols. Vocaalveranderingsprocessen in de periode 1838-1972

Anderhalve eeuw Zwols. Vocaalveranderingsprocessen in de periode 1838-1972 is een boek (proefschrift) det giet oaver de veranderingen in et Zwols oaver de periode 1838-1972. Het is eschreaven deur Philomène Bloemhoff-de Bruijn en is uut egeaven op 15 november 2012.

Het boek begint met een beschrieving van Zwolle in de 19e eeuw en hoe as et Zwols stund in de samenleaving toen en now. In et boek wördt vervolgens dudelik emaakt wat kenmärkend is veur et Zwols en wat de verschillen bint tussen de verschillende wieken van Zwolle. Hiernao wördt een bulte bronnen gebruukt uut de 19e eeuw en daornao een bulte bronnen veur et Zwols van now.

Et belangriekste in dit boek is hoe as de klanken in de leste 150 jaor zich ontwikkeld hebt in et Zwols. Er hebt völle veranderings ewest, en er kan ok een ezegd wörden wanneer dit zo gebeurd isse. Zo veranderden beveurbield i'j nao ie, de ao in jaor en waor nao een öö (jöör, wöör) en de ee in neet en zeen in waorschijnlik een lange ie ([i:]) en läter nao een körte ie ([i]). Hiernao wördt beschreaven waorumme as de veranderings gebeurd bint en hoe as zie mekäre beïnvloed hebt en of de Nederlaandse standaardtääl hier wat met te mäken hef. Ook wördt er nao de verskillen en geliekenissen met de dialekten um Zwolle ekeken.

Verwiezings

Dit artikel is eskreaven in et sallandsk.