Böaningn

Böaningn (Nederlaands: Beuningen) is n doarp in de Tweantse gemeante Loster in de Nederlaandse proveensie Oaveriessel. Het har in 2004 270 inwonners. t Lig aan t rivierken de Deenkel, vuural umgeavn duur agraries gebeed, ongeveer een kilometer ten zuudn van Deankaamp.

De kattelieke kearke van Böaningn

In n aanvaank heurn Böaningn biej t kerspel Deankaamp, mer in 1817 wördn de maarke Böaningn oonderdeel van de gemeante Loster. In t doarp steet ne kattelieke kearke, bouwd in 1948. Net boetn t doarp is nen kampeerterrein te veendn.

Veul doarpsscènes vuur t fiktieve doarp Deenkel in de Tweantse zeepriege Van Jonge Leu en Oale Groond bint in Böaningn opnömn. De geestelike vaar van de riege, Herman Finkers, wont een paar kilometer wiederop.