Belzec

Belzec (officiäle skryvwyse: Bełżec, poolske uutspråke: [ˈbɛu̯ʐɛt͡s], BEL-zets) was en vernetigingskamp van nazidüütskland in Polen. Et wör speciaal anelegd vöär Operaty Reinhard, et plan van de nazi's üm alle poolske jöäden ümme to brengen. Dat was deyl van öäre Enduplössing, wårby sou'n 6 miljoon jöäden störven. Et kamp was lös van den 17. määrt 1942 töt end juni 1943. Et leade up 500 meter van et treinstation Bełżec, in et nye Distrikt Lublin van et Generale Governoraat van düütsk-besat Polen.

Belzec
Vernetigingskamp van de nazi's
SS-suldåten bewaket en transport van jöäden underweagens når Belzec Ligging van Bełżec (middenunder) up ne kaarte van düütske vernetigingskampen, anegeaven med skeadels. De grensen warren de Tweyde Poolske Republik van vöär den Tweyden Wearldoorlog.
Bekend van	Uutrodiing van europääske jöäden in de Holocaust
Ligging	By Bełżec, Generaal Governoraat (Düütsk Polen)
Bouwd döär	Richard Thomalla (upsat) Lorenz Hackenholt (gaskamers)
bestüür	SS-Totenkopf-eynheiden
Kommandant	Christian Wirth (dec. 1941 – aug. 1942) Gottlieb Hering (aug. 1942 – juni 1943)
Anbouw	1 november 1941 – määrt 1942
In bedryv	17 määrt 1942 – end juni 1943
Antal gaskamers	3 (later 6)
Gevangenen	Poolske, düütske un oustenrykske jöäden
Doudental	434.508 – 600.000
Bekend ewördene gevangenen	Rudolf Reder

Töt määrt 1943 warren se gangs med et upgraeven van lyken üm se to verbranden up vyv lösse vüren un de bütte to verpülveren.

Eskatted wördt at der tüsken de 430.000 en 500.000 jöäden sint vermoard döär de SS in Belzec. Et was et up twey nå doudelikste vernetigingskamp, achter Treblinka un Auschwitz. Mär söäven jöäden dee slavenwark deaden vöär et kamps sonderkommando kunden den oorlog nåvertellen. Enkel Rudolf Reder wör der van bekend ümdat hee der nå den oorlog oaver skreav. Et kamp is når verholding minder bekend döärdat der mär weinig ouggetügen sint dee as et nåvertellen kunden. Den israelisken geskeedkündigen David Silberklang skrivt at "Belzec messkeen wal et beste vöärbeald is van et allensümvattende un grundige van wat de nazi's med de jöäden van plan warren."