Bevolkensdichtte

Bevolkensdichtte geft de verholdens aan tussen t aantel inwoner en t oppervlak van n bepoald topogroafisch gebied. Maisttied wordt de bevolkensdichtte aangeven in t aantel inwoner per km² (voak laandoppervlak, soms totoal oppervlak). Hierbie kinnen verschillen veurkommen deurdat t woateroppervlak (zo as meren en inhammen) soms mitrekend wordt in t oppervlak van t laand.

In n aantel aandere gevallen zol t kinnen dat territorioale gebieden (zo as Fraanse overzaise gebiedsdailen) nait mitrekend worden. Moar maisttieds kinst der van uutgoan dat t heufdgebied van t laand as uutgaankspunt neumen zal worden. Laanden dij uut nait meer as "stadstoaten" bestoan hebben vanzölf een veul hogere bevolkensdichtte.

n Variaant op de bevolkensdichtte is de adresdichtte, dij aangeft houveul huusadressen der binnen 1 vierkaante kilometer binnen.

Bevolkensdichtte bereken

De bevolkensdichtte kin berekend worden as:

${\mbox{bevolkensdichtte}}={\frac {\text{inwonertal}}{\text{oppervlakte}}}$

Bevolkensdichtte in Nederlaandse provìnzies

Inwoners per vierkaante kilometer, oplopend van dunstbevolkt noar dichtstbevolkt (doatum: jannewoari 2015).

t Drìnt (185) Fraislaand (193) Zeelaand (213) Grunnen (250) Flevolaand (283) Overiessel (343)

Gelderlaand (408) Noord-Broabaant (506) Limbörg (520) Utrecht (912) Noord-Hollaand (1034) Zuud-Hollaand (1279)

Ôfbeelden

Bevolkensdichtte wereldwied