Boage (brulfte)

Ne boage of boag bouwen is n gebroek in Tweante, Sallaand en n Achterhook wat nog völle vuurkeump bie (zovöljöarige) brulften.

Boag in Hooltn

Hierbie bouwt de noabers ne boage (meestieds van hoolt) oawer n ingaank van de stroate noar de vuurdure van t hoes. Dee boage kleedt ze an met snöaihoolt van greune täkke, van dannen of aander naaldhoolt. Dit wörd greun haaln eneumd. Det is t kearlswoark; de vrouwleu doot reuskes van papier vooln dee at oeteandelik in de boage komt te hangen. De kluur van de reuskes haankt of van t antal joar at t stel etrouwd is. n Stel wat juust etrouwd is krig meestieds rooe en witte reuskes (rood is de kluur van de leefde en wit is de kluur van zuuwerheaid), en de 12,5-joarigen, 25-joarigen ezw kriegnt n kluur den at doar bie heurt, dus zilver, goold, ezw.

Tiedens en noa t boagenbouwen wordt de noabers eneugnd vuur n häpken en n dreanken, en bie t ofbrekken krek zo. Bie t ofbrekken helpt mangs t stel zelf ook met, wat angef det ze der non too verdan bie heurt.

Rechtevoort beent de boagen kant en kloar te huur, en van keunststof, skoonwal nog beheurlik wat noabers nog aait vuur de tradisie hen greunhaaln goat.