Brulfte

Een brulfte of een trouwerieje is een fees dat evierd wonnen as twee meensen mit mekaar gaon trouwen. De benaming brulfte wonnen oek wel gebruuk veur alle onderdelen dee op de dag van de brulfte gebeuren.

't Uutwisselen van de trouwringen

Een schilderie van een brulfte van vrogger

En dan ma-j noen de bruid kussen

Brulfte in Nederlaand en België

Een brulfte, zoa-w dat in Nederlaand en België kennen, kan bestaon uut meerdere onderdelen. 't Veurofgaond burgerlijk huwelijk is hierbie verplich. Daornaos bin der één of meerdere aandere onderdelen. Een standardbrulfte volgens 't boekjen ziet der ongeveer zo uut:

1. Burgerlijk huwelijk in 't gemeentehuus of stadhuus
2. Fotorippertazie en / of videorippertazie van 't bruidspaor en de naoste femilie
3. 't Karkelijk huwelijk
4. Een feesmaoltied veur 't bruidspaor en naoste femilie
5. Een receptie veur femilie, vrienden en kennissen
6. Een brulfsfees veur femilie en vrienden

Der is over 't algemeen een dudelijke scheiding tussen de daggasten en de receptie- of feesgasten. Bie 't avendeten kunnen de ouwers van 't bruidspaor een toesprake houwen. Bie de receptie of 't fees kunnen der teneelstukjes en sketches op-evoerd wonnen en liedjes ezungen wonnen deur femilie en vrienden, hierin koemen verschillende dingen veur dee 't bruidspaor mee-emaak hef, of 't bruidspaor wonnen flink in maling eneumen.

In de Nederlaanse cultuur is der tegensworig gien vaste meniere meer waorop een brulfte eregeld is, en bulte bruidspaoren kiezen hierin dan oek der eigen weg.

Tredisies

Trouwkaorte

Een trouwkaorte wonnen een antal weken van teveuren estuurd naor de uut-eneudigen gasten. Op de kaorte steet de naam van 't bruidspaor en de trouwdaotum. Geleuvigen zetten vake D.V. op de kaorte dit is Latien veur as God 't wil (Deo Volente).

Ringen

Op de dag van de brulfte wonnen de trouwringen uut-ewisseld. Dit wonnen meestentieds edaon in 't gemeentehuus, mar sommigen bruidspaoren doon 't liever bie de karkdiens.

Taarte

Op een bepaold mement wonnen de brulftstaarte an-esnejen.

Bloemstuk

't Bloemstuk of de kersage wonnen de hele dag edreugen deur 't volk dat uut-eneudig is veur de brulfte. De bruid hef een trouwboeket bie der, volgens de tredisie mag de bruid 't trouwboeket neet zien tot de mannen van de trouwerieje. Vake wonnen 't trouwboeket dan over de scholder egooid en as een aander frommes 't dan vangt, dan zal ze de eerste ween dee trouwen geet.

Bruidsjurk

De bruidsjurk is vake 't belangriekste (en duurste) kledingsstuk veur 't huwelijk. Net as bie de kersage, mar noen ummekeerd, mag de brugem volgens de tredisie de bruid neet heur jurk zien veur 't huwelijk.

Kosten van een brulfte

Tot an de jaoren 70 was 't gebrukelijk dat de vaor van de bruid de kosten van de brulfte zol betaolen mar tegensworig betaolt 't bruidpaor de trouwerieje zelf. Disse veraandering is ekeumen deurdat de meerderheid van bruidspaoren allange 't huus uut bin veurdat ze trouwen en hokken dan vake al een hortjen.

Huwelijksverjaordagen

Huwelijksverjaordagen
1 jaor	pepieren brulfte
2 jaor	leren brulfte
5 jaor	houten brulfte
10 jaor	tinnen brulfte
12½ jaor	keuperen brulfte
15 jaor	kristallen brulfte
20 jaor	porseleinen brulfte
25 jaor	zilveren brulfte
30 jaor	paorel brulfte
35 jaor	rebienen brulfte
40 jaor	smaraggen brulfte
45 jaor	seffieren brulfte
50 jaor	gouwen brulfte
60 jaor	diamanten brulfte
65 jaor	briljanten brulfte
70 jaor	platina brulfte
75 jaor	albasten brulfte
80 jaor	eken brulfte

Zie oek

• Boag

Nedersaksisch

• Drèents:
  • brandewien (Rune)
  • brulfte (ZOZ, ZWN, ZWZ)
  • brulof (ZOZ, ZOV, Kop van Drenthe)
  • bruloft (Noord-Drenthe, ZOZ, ZOV)
  • brulofte (ZWZ)
  • hochtied (ZOV, VK)
  • trouw (ZWZ, ZOZ)
  • wasschup/-schop/-schöp (ZOZ, ZOV, MD, Kop van Drenthe)
• Grunnegs: bruloft
• Stellingwarfs: brulfte, brulloft
• Tweants: brulft(e), trouwerieje
• Veluws: brulft(e), trouwerie(je)/trouweri-j(e)