Boernrock

Boernrock is ne variaant van rockmuziek. t Wörd ezungn in dialekt, wat muzikaal oonderstönd wördt duur vuurnamelik rock 'n' roll. n Achterhooksen groep Normaal was in 1975 n eerstn den rockmuziek met dialekt kombineerdn, in t nog altied bekeande nummer Oerend Hard. In Noord-Duutslaand wörd n rockgroep Torfrock as de oetveenders van de boernrock zeen.

Duurdet Normaal vuur en oawer erkennege van de boern zung, en doarduur völle boern as anhangers kreeg, het det hele soort muziek rechtevoort boernrock. Dit is skoonwal nen term den't vuur t gemak vake ook vuur aandere stieln wörd gebroekt, um t in te deeln bie dialektmuziek.

Boernrock vaalt oonder strektaalmeziek. Lang nit alle strektaalmeziek in Nederland is boernrock. Zo ha'j de leedkenszanger Ede Staal, den in t Grönnings zung. In Limburg he'j Rowwen Hèze, nen semi-akoestiesen texmexband.

n Antal bekeande en meender bekeande boernrockbands beent:

• Normaal
• Jovink en de Voederbietels
• Mooi Wark
• De Richards
• Skik
• Goed Goan
• Neet Zuuver

• AC/Dixi
• Kiek Now Us

Boeten t Nedersaksiese sproakgebeed:

• Surrender
• Oôs Joôs

Disse pagina is eskreewn in t Riesns