Bulawayo is nao de heufdstad Harare de tweede stad van Zimbabwe, mit oengeveer 731.003 inwoeners (volkstelling 2007). t Leit in Matabeleland, 439 km ten zuudwesten van Harare. De heufdstad van Matabeleland Noord is Lupane, Bulawayo wort ezien as n zelfstandige provinsie. De stad leit op n strategies punt, kortbie Botswana en Zuud-Afrika.
De naam "Bulawayo" is ofkomstig van t Sindebele woord GuBulawayo; dit betekent 'plaots van de vervolgde' of 'plaots van slachting'. De stad is multikultureel, der wort n grote verscheienheid an taolen espeuken (zo as Engels, Ndebele, Zoeloe, Xhosa, Kalanga, Sotho en SeSwati). Sinds jaoren wort Bulawayo ezien as de negozieheufdstad van Zimbabwe.
De meerderheid van de inwoeners is van Ndebele-ofkomst, die in de 19e eeuw mit de volksverhuzing van de Zoeloes daorheen kwammen. Ze vormen n minderheid in Zimbabwe.
