Burkina Faso
Burkina Faso is n laand in West-Afrika. t Wörd mangs in t kort ook wal Burkina neumd. t Lig in eslötn tusken zes laandn: Mali in t noordn, Niger in t oostn, Benin in t zuudoostn, Togo en Ghana noar t zuudn en Ivoorkuste noar t zuudwestn. De heuwdstad is Oewagadoegoe. In 2011 har t oawer de 15,5 miljoen inwonners. t Laand hef ne oppervlakte van 270.200 kilometers in t veerkaant.
| Burkina Faso | ||
 |
 | |
.svg) Kaarte van Burkina Faso
| ||
| Informasie | ||
| Sproaken | Fraansk (offisjeel), Mòoré, Dioela, Mandinka, Bambara | |
| Heufdstad | Oewagadoegoe | |
| Regeringsvörm | half-presidensjele Republiek | |
| Laand en inwonners | ||
| Oppervlakte - Water |
274.200 km² 0,146% | |
| Inwonners - Dichtheid |
15.730.977 57,4 inw./km² | |
| Koordinaten | 12° 20′ N, 1° 40′ W
Koördinaoten: 12° N, 2° W | |
| Oaverig | ||
| Volksleed | Une Seule Nuit/Ditanyè (nen eankeln nacht)/Oawerwinningshymne | |
| Munteenheid | West-Afrikaansen Frank (XOF)
| |
| Tiedzone | GMT | |
| Web | Kode | Tel. | .bf | BF | 226 | |
t Laand wör eerst Opper-Volta neumd, mer wör op n veerden augustus 1984 duur doomoalig presideant Thomas Sankara ummedeupt töt Burkina Faso. Hee nöm een woard oet t Mòoré en t Dioela, de twee grötste sproakn van t laand: burkina oet t Mòoré beteeknt zovölle as "earzame leu" en faso oet t Dioela beteeknt "vaderlaand". Burkina Faso beteeknt dan zovölle as "laand van earzame leu". Toch is Fraansk de offisjele sproake van de regearing en t zaaknleawn. Inwonners van Burkina Faso neumt zik Burkinabè.
Tusken 14.000 en 5000 vuur Kristus wonn dr in t noordwestn van Burkina Faso jager-verzamelders. tusken 3600 en 2600 vuur Kristus kömn dr boernesteas. Wat non t middeln van Burkina Faso is, heurdn vuurnamelik bie Mossi-keuninkriekn. 1896 koloniseerden Fraankriek et en maakn dr n protektoraat van.
Noadet ze in 1960 zikzelf regearn meugn, kömn dr völle regearingswessels. Rechtevoort is t ne semi-presidensjele reppubliek. Blaise Compaoré is presideant seend 1987, doo't hee met nen stoatsgreep an de macht köm. Burkina Faso is an eslötn bie de Afrikaanse Unie, gemeenskop van Sahel-Saharastoatn, La Francophonie, Organisasie van Islamitiese Samenwoarking en de Ekonomiese Gemeenskop van West-Afrikaanse Stoatn.