Dörenther Klippen
De Dörenther Klippen bint ne zaandsteanrotsformoasie laanks de zuudwestkaant van t Teutoburger Wold in Kreis Steinfurt in de Pruuske dealstoat Nordrien-Westföale. t Is roond de 4 kilometer laang en roond de 159 meter boawn zeenivo. t Grötste deal hör biej t gemeantegebeed Ibbenbüren, n kleainer deal hör t gemeantegebeed Tecklenburg an.
Biejzöndre rotsformoasies bint te veenden in t oostzuudeusten - n Kaiserstuhl - en t westzuudwesten - t Hockendes Weib. Völle van de nöame van de rotsformoasie bint nömn van lokoale säge - oawerregionoal bekant is t Hockendes Weib vanweage zinne tröagiese sage.
Geogroafie
bewark
In öare volle längte goat zee deur twea pässe hen: in t neurden deur n Ibbenbürener Pass woar ok n B 219 deurhenne geet en woar t noamgeawende Ibbenbürense stadsdeal Dörenthe leg; in t zuden goa't deur t Bocketal woar ok n K 24 deurhenne geet en woar t Tecklenburgse stadsdeal Brochterbeck leg. Ok geet doar t loatste stök n treinboan van de Teutoburger Wold-Liende.
De töt wa 40 meter heuge rötsen bestoat oet Osningzaandstean oe't Kriet, det roond de 120 miljoon jöare old is. In de noabiejhead he'j n antal kleaine steangrowen woar vreuger t zaandstean as bouwmaterioal wönnen war.
Netuurbeskermige
bewarkSinds 2003 bint de Dörenther Klippen offiesjeal beskermd netuurgebied, soamen met n stök van t wold der ömmehen. Soamen wörn t n 59 ha gröt netuurgebied.
Spesefieke aspekten dee beskermd bint, bint de algemiene biotoopkwoaleteait en de völle mösse en körstmösse en de beasten dee met disse plänte metkömt. Binnen t beskermd netuurgebied bint mear as 150 verskillende mösse en körstmösse, woarvan 32 deur gangs Prusen beskermd bint. Wieter bint in t gebied meardere kwellen en resten van de histeuriese Wacholderheaie. Wieter breudt n oohoo ok in t gebied, n voggel den ok beskermd is binnen Prusen.
Toerisme
bewark
De Dörenther Klippen bint lokoal bekant as nen plak veur dagreizen. De meast bekante pläkke bint n Kaiserstuhl, t Hockendes Weib en t oetzich oawer t Münsterlaand.
t Gebruuk van de Dörenther Klippen a'n toeristengebeed vängen a an an n anvang van n 19n joarhönnerd, woarbiej t Hockendes Weib en t oetzich de'j doarvanof har oawer t ömmelaand de meast bezöchte pläkke warn. Roond disse tied wa't nög verbeude veur bezeuker öm de rötsen te beklimmen. Vanof 1980 het men besleuten det mensekn klimmen könt öp an-weazen pläkke binnen t gebeed.
Doen t beskermde netuurgebied an-moakt wörn het zee beslötten de't too-stoan war öm profesjoneal te klimmen öp de doarveur an-weazen rotswaanden woar ok zekerigen anweazig bint en as magnesium gebroek wör. Klimmen is ok önprofesjoneal too-stoan öp n Kaiserstuhl en t Hockendes Weib.